المشاركة الأصلية كتبت بواسطة معاني ورد

أخاف يجي يوم ويقولوا الأمن صاروا يمسكوا اللي قاعده لحالها

أنا أشوف انه مافيها شئ ,,, والواحده اذا بتطالع فلانه ولا علانه ايش تقول ماراح نخلص.
أهم شئ البنت اللي قاعده لحالها مرتاحه وعادي عندها...أما اذا هي يعني خجولة وماتعرف تبدأ صداقات حلو لو تجلسي تتكلمي معها وتتعرفي عليها...وبالأخير الناس أشكال وألوان وطابيعهم مختلفة.
أنا لي صديقات لكن على حسب محاضراتنا أقعد لحالي مرات ومايهمني أحد اذا فاضيه أقرأ شئ مفيد
أو أتأمل وأتفكر بخلق الله وأشوف كيف ممكن أكون إنسانة أفضل وأراجع تصرفاتي
ترى مو كل من قعدت لحالها يعني حزينة ومسكينة وبائسة أو نفسية ...واللي تفكر كذا هذي
حتى كلمة "نفسية" شئ يغبي يعني ايش نفسية؟ بالله؟ لأن الي أعرفه كل البشر عندهم نفسيات ولا مايصيروا بشر احنا جسد وروح (نفس)
واذا قصدهم "معقدة" طيب مرات عقد الإنسان تجذب أكثر من بساطته,, وبالأول وبالأخير الواحد يحمد ربه على حياته ويترك الخلق للخالق,, وفعلا من راقب الناس مات هما .

عندي البنت تقعد لحالها أحسن من انها تصادق بنات مو شئ ,, البنت لازم تكون لها شخصيتها الخاصة فيها مو تنجرف مع أفكار المجتمع أو البيئة اللي هي فيها. اذا هي ماتسوي شئ غلط خلاص مايهمها أحد.
أما اني أشغل نفسي بنظرات ولا كلام الناس هذا الشئ مايهمني