صدفني بديرة الغربة .. ملاك ساحر لونه
عجيب الطبع .. و بزينه تجلت قدرة الباري
تخيل لي ظبي فالبادبة يمشي على هونه
تقدم ثابت الخطوة .. حشا ما همه الضاري
سرت في داخلي نشوة .. ألا يوم اقترب دونه
لفحني من هوا عطر .. و عبر ما كنه بداري
طلبته بالهوى رشفه .. بعض ما تنضح عيونه
لقى به قلبي الضامي .. معين و جدول جاري
وعنه جاوبت كفه .. محال النبع تردونه
سراب يا ولد خله .. مداه بعيد متواري
و من جابه ظما قلبه .. يروح لغيري يسقونه
و كانك بايع قلبك .. تلاقي غيرنا شاري
نشدته عن حروف اسمه .. نشدته و ينها ضعونه
نشدته عن ديار الريم .. و خشف زاد في ناري
تبسم و انطلق منه قصيد صيغت و زونه
تكلم و انجلى شعره و عنده تاهت أشعاري
محال أذكر أبد اسمي .. و لكن هاك مضمونه
مرادك يسر و هين .. كانك فاهم و قاري
يقول المعجم المعنى .. طري القاع و ليونه
ترى يبدا بحرف الميم .. و انشد عني بداري
سلوا ند الشبا عني .. أنا بالخيل مجنونه
سلوا صهوة جوادي عندها لا ناطح الذراي
اجيد اللي صعيب و ما من رجال يجيدونه
و يا من فارس عود .. عجز ما يجهد يباري
ملاك ما عرفنا له ... عسى الانذال يفدونه
معاه الروح و ان كانت بعيده داره و داري