والله المناهج المطوره ما منها فايده

والكتب كل مالها تصغر .. انا اشوف كتب اختي تبعت الدين (لصف السادس)

الكتاب مايجي 50 او 60 صفحه .. وجامعه لترمين

وكل مالها كتب الدين تصغر .. وشكلها راح تصغر الين تنـلغي ..

والكتب صايره مثل المجله .. كلها صور

والمعلومات مجرد اسطر صغيره .. او حطو سطر واحد وكتبو بجنبه ابحث

يعني ما ادري ليه راسلتها للمدرسه !!

لو ادرسها بالبيت ضنتي تطلع افضل واحسن ..

حتى الدفاتر اللغوها .. وصارو يعتمدون ع مطويات

تكتب فيها الطالبه كم شغله ودبستها بالكتاب ..

وما استغرب لو بكره قالو ماعاد في كتب .. تعالو نعطيكم المعلومه

وتروحون البيت ..

والادهى والامر ان المعلمات ماعندهم اي خلفيه عن المنهج او طريقة تدريسه

يعني انا متخرجه من الابتدائي من 9 سنوات .. ومازلوو مدرساتي هم اللي يدرسون اختي

ومره قابلت مدرسه بمستشفى تتكلم عن المناهج المطوره .. تقول والله انه حوسه وما ندري

وش السالفه .. بس وش نسوي ؟؟ (حكم القوي)

يعني لا مناهج .. ولا معلمين ..

بالله وش بيطلعون عيالنا ؟

الله يرحم زمان اول .. الكتاب ما يقل عن 160 صفحه لترم الواحد

والاحاديث والادله والتعريف ومعاني الكلمات و النصوص.. كلها معنا

واخر الترم نطلع بمعدل زي الناس .. مو الحين .. الغو حتى الاختبارات

وصار كله تقييم .. واخر السنه حطوو لهم 1 1 1 1 يعني ممتازه


(لو ان اوليا الامور احتجو واعترضو .. كان حصل تغيير .. بس والله ان اغلبهم

ما يدرون عيالهم بأي صف .. هو متخرج والا مفصول )


يعطيك العافيه