ملتقى طلاب وطالبات جامعة الملك فيصل,جامعة الدمام - عرض مشاركة واحدة - جدول من ايديا وحياة عنيا يسهل لكم سالفة المناقشات والمحاضرات :)

بنت حصه · #1 2011- 10- 9

السـلام عليـكم ورحمة الله وبركـاته ،
مساء الخير .. جميعاً

اعزائي طلاب وطالبات التعليم المطور ~
من أول ماسجلت بـ هالمنتدى واشوف الناس ماشاءالله تعطي وماتقصر
من ملازم وجداول ... الخ , وتسهل علينـا كثير عناء البحث والوقت ..

فـ حبت أختكم ( بنت حصه ) إنهـا مو بس تأخذ من هالاعضاء وماتعطي
لازم اصير كريمه حبتين

سويت لكم جدول بـ الوورد يسهل عليكم نقاط كثيره اللي هي :

تحسبون درجاتكم ..
تعرفون وش اللي لكم وش اللي عليكم ..
تشوفون وش حليتو وش ماحليتو اقصد ( الواجب ) ..
تشوفون المحاضرات اللي سمعتوها ووش باقي لكم ..
والمناقشات اللي تحوس بمنتدى الحوار ..

سويت جدولين صغار لـ ( المشاركات + المحاضرات ) ,

ماعليكم الا تحطون صح عند كل واجب حليتوه او مشاركه

او محاضره سمعتوها سواً مسجله او مباشره ..

طبعاً ماانسى انهُ تكتبون اسم مادتكم ودكتورها عشان ماتلخبطون

تطبعونها وتلزقونها او تدبسونهـا بكل ملزمه ماده يسهل عليكم وبرضو ماتضيعون
من كثرة الملازم والاوراق والدفاتر ..

هذي الصوره مسويتها بدفتري بعدين قلت يابنت الحلال دلعي نفسك
ورتبي جداولك مو هالحوسه واعطي هالاعضاء معك

- وهذي صورة للجدول بالوورد

يالله اطبعو ودبسو بملازمكم

ادعولي اذا ممكن واللي مايبي يدعي عاد بكيفه خخخخخ

تحياتي : بنت حصه