قالت : صباح اللكاعة
-قلت : ياهلا بلكاعة الصباح ..صباح الجمال
-قالت : الجمال نوعين ..سنام وسنامين ..من تقصد !
- قلت : سنام عليكم ورحمة الله وبركاته
-قالت : لا تتلكع تراي مواصلة وواصلة حدّي
- قلت : لذا أنتِ طفشانة
-قالت : وش تقصد
- قلت : لأنك وضعتي حدود وأستنزفتي قواك للوصول لها ..وطفشتي
-قالت : بالله لا تتلكع ..وش حدوده اللي أنت جاي تقول عليها ..تعرف برنامج بلا حدود
- قلت : لا أعرف برنامج مع الناس حق سليمان العيسى
-قالت : يااااااااقدمك ..سليمان العيسى استقال لأنه لم يجد ناس يلتقي بهم
- قلت : ليه وين الناس
-قالت : موجودين بس مشغولين وينك أنت من زمان ما شفناك
- قلت : كنت مسافر وما رجعت إلا أمس بالليل
- قالت : وين كنت مسافر
- قلت / مسافر في سماء النسيان أريد أنساك أنا أريد
- قالت : ..قول وين كنت مسافر فيه
- قلت / كنت مسافر بالخارج أحضر الدكتوراه
- قالت : وجبتها
- قلت / منهي
- قالت : الدكتوراه
- قلت / لا عيّت تجي بنت اللذينا
- قالت : ليه
- قلت / تقول أنها مرتبطة
- قالت : منهي
- قلت / الدكتوراه
- قالت : تنكت
- قلت / إيه
- قالت : طيب لا يكثر
- قلت / يعني أقلل
- قالت : شوي بس
-- قلت / لا يكثر
- قالت : يعني أقلل
- قلت / كثير بس
- قالت : أنا بروح الحين عندي ألف شغله وشغله
- قلت / في أمان الكريم وحفظ المولى
- قالت : وشفيك زعلت ..؟
- قلت / لا ما زعلت
- قالت : أجل وشوله مسوي فيها رسمي ومن قلب تصرف
- قلت / أنتي قلتي بتروحي وراكِ شغل
- قالت : إيه أتدلع عليك أبيك تقول خليك شوي وأنا أثقل أقول لا بروح ..يعني نوع من الغنج النتّي ..أصلاً كنت ناوية أصكك حظر وأروح أسولف مع واحد توّه اتصل
- قلت / طيب خليك شوي
- قالت : لا بروح وفرصة سعيدة إني قابلتك بعد عودتك من السفر
- قلت / وأنا أسعد باي
- قالت : افففف منك ماعندك بروستيج ماسنجري
- قلت / لا تأففي عندي ..يكفي اللي أنا فيه ..وش بروستيجه يامال الغناة
- قالت : أمسك فيني شوي خلني أتغلى ..ٌول حلوة سواليفي والماسنجر عقبي ماله طعم
- قلت / لا والله فقدت طعم الماسنجر من أضفتك ..صار ممل وماله داعي
- قالت : العين حق..والله الحسد انتشر انتشار غير طبيعي
- قلت / أنا مشغول باي
- قالت : تعال لا تروح
-لقد تعذر وصول محادثتك –