ملتقى طلاب وطالبات جامعة الملك فيصل,جامعة الدمام - عرض مشاركة واحدة - النجاح حليفك بإذن الله مع الطريقه الاسهل للمذاكره..

مدام الفهد · #1 2011- 10- 10

بسم الله الرحمن الرحيم
السلام عليكم ورحمة الله وبركاته

يسعد صباحكم ومسائكم ...

موضوعي يستهدف كل بنوووووته حلوه كشوخه تحب الترتيب والاهتمام مثلي

طبعا الشباب بدقون ريوس وآوت خارج الموضوع لانه اكيد ماراح يناسب اسلوبهم الرقيق جدآ

راح اعرض لكم ياصبايا يا حلوين طريقتي بتحصيل المواد ومذاكرتها حتى نحصل كلياتنا على اعلى الدرجات بإذن الله بالنسبه لي هالطريقه ريحتني جدآ وحبيت اعرضها عليكم وماابخل باللي عندي لأجل الفائده واتمنى من كل وحده تدخل موضوعي وتنوره وتستفيد منه تدعيلي إن الله يهون علي حملي واشوف النونو بصحه وعافيه وافرح فيه ..

طبعآ مواد مستوى اول لجميع التخصصات 8مواد

وفيها محاضرات وواجبات ومشاركات وحوسه وعشان أكون عارفه وش لي وش علي قلصت العدد الى 4

شلوووووون

بقولك حبيبتي...

شيلي نعالك(اكرمكم الله) مو لازم تلبسينها بالبيت البسيها بالسياره <<متحمسه مافي وقت

وحطي رجلك على اقرب مكتبة..

وخذي 4ملفات ملونه اهم شي الألوان عشان تفتح نفسك للمذاكره...

وورق طباعه من عدة ألوان يجي كل لون 10 اوراق شكلها تووحفه وألوانها دلع

وخذي خرامة وسط .....

وطيري ع البيت وجهزي في كل ملف لونين كامله يعني 20 ورقه من لونين في كل ملف
طبعا بعد ماتخرمينها...
واطبعي لك جدول متابعه من ثمان نسخ لكل ماده >>>الجدول موجود في المرفقات لمادة اللغه الانجليزيه
واطبعي المحتوى لكل محاضره وإبدئي الترتيب...

1/يكون في كل ملف من الاربع ملفات اللون الاول مادة مثلاالتحرير العربي واللون الثاني مادة النحو التطبيقي
2/كل مادة معها جدولها في الملف واوراق ملونه لتدوين المحاضرات المسجله اي تتابعين المحاضره الاولى وتكتبين ع الورقه المحاضره الاولى وتلخصين فيها فهمك للمحاضره مع الاشياء المهمه اللي ذكرها الدكتور في المحاضره ويتبعها بالترتيب المحتوى تبع المحاضره الاولى اللي طبعتيه من قبل...

وهكذا مع باقي المحاضرات ونفس الطريقه تتبعينها مع المواد والملفات الاخرى...

للتوضيح ...
في كل ملف مادتين تحتوي على .....جدول الماده+المحتوى المطبوع+اوراق ملونه للمحاضرات المسجله...

وبكذا تكونين جمعتي كل شي قدام عيونك من جدول متابعه وملخص للمحاضره المسجله ومحتوى في اربع ملفات شكلها يفتح النفس بالألوان>>تحب الألوان

وماتحتاجين حوسة الملازم ولا الكتب او كل شوي ترجعين لجهازك ع المحاضرات المسجله..

...وبالتوفيق لكن صبايا...