المشاركة الأصلية كتبت بواسطة ابوخالد2011

بقولك موضوع صاير معنا


جدي من ابوي الله يرحمه

كان له محلات وبيوت

كاتب بوصيته انها وقف ويخرج منها ضحيتين كل سنه وللمحتاجين


وعماني 6

عمي الكبير عنده الوصيه ومن تقريبا 32 سنه وهو في كل عيد فطر

نجتمع في بيته وما كنا ندري ان هالذبايح وقف وكان عمي الكبير

هو وعياله ما يعلمون احد على ان هالشي كرم شخصي منهم

عياله تقريبا 11 وكلهم كباار


زبده الحديث

عمي الكبير خلاص بدا يخررف وراحت الوصيه لعمي الاصغر

واكتشفنا ان اللي في الوصيه بيت واحد بس هو اللي يكون وقف

والمحلات وباقي البيوت ما ذكر عنها اي شي .. يعني تكون للورثه

32 سنه اجار المحلات والبيوت راح كله لعمي الكبير ولعياله ..

والكل عرف هالشي .. ولما حسبوها طلعت تقريبا 7 مليون

جميع عماااني تنااازلوا عنها وبقت علاقتنا مثل ماهي عليه


صحيح احنا تنازلنا

لكن

لكن

فوووق

فووووق سبع سموات رب عظيم يعطي كل ذي حق حقه


الحين اوضاع عيال عمي متدهوره

اللي طلق زوجته واللي خسر كل شي بالاسهم وضرب عقله وبين فتره وفتره

نسمع خبر شين عن العيال اللي صار له حادث واللي دخل مستشفى


يعني ماعليك من اللي حولك يا انقلش وجهوا امركم لله


والله المستعان