هلا وغلا بريحة هلي

الله تذكرت المستوى اللي طاف نزلت يمكن موضوعين ادور على اهل ابها ما لقيت احد معطيني وجه الا القليل جدا

ما علينا

المهم اني اعيش بالرياض ( فديتها ) وقلبي معلق بابها ( الله يسقيها ) وولائي للملكة ولا تعدى منطقة الجنوب لخارج الحدود كما اسلف الحبيب ..

ما علينا مره ثانية

حطيت اختباري بابها وفعلا اختبرت بابها بجامعة الملك خالد المدرج الخامس وبصراحة كان المقر مرتب والتهيئة ممتازة وبخصوص المراقبين لم اكترث لهم لانهم لا يعنون لي شي ( مو داخل ببراشيم مثلا )

بالنسبة للمناطق اللي تقدر تختبر فيها موضحه بخدمات الطالب تقريباً ومن ضمنها ابها وخميس مشيط ونجران .... الخ

ما علينا للمره الثالثة

بخصوص اختيار المناطق او المراكز ان صح التعبير ففيه امكانيه للجدد حتى قرب الاختبارات وموضحة بالجدول الزمني متى اخر تاريخ لاختيار مراكز الاختبار ، فالواحد لا يشيل همها الآن ويشوف وين يختبر بناءً على ضروفه اما القدامي فبينزلهم مباشرة المركز السابق اللي اختبروا فيه ولو حاب يغيره يدخل على اختيار المراكز ويغيره باللي يناسبه .


اما بخصوص المحتوى ( البور بوينت ) المرفق مع كل محاضرة مسجلة فبكل صراحة لم اعتمد عليه نهائياً وتحسفت على الطباعه اليومية لهلمحتوى اللي كلفتني احبار على قل فايده ،،، وجل ما استفدت منه هو الملخصات المعموله من قبل الطلاب القدامى واذكر على سبيل المثال وليس الحصر ( المعتقل ، الساحر ، ماهمن غيرك ) وغيرهم كثير بصراحة وكل اللي سويته اني اخذت الملخص وشيكته مع المحتوى وطلع شامل له فبديت اذاكر منها ولله الحمد حصلت على معدل ممتاز .

فيه شغله ثانيه حبيت انبهكم لها

الملخصات اللي عبارة عن اسئلة واجوبه للمادة كاملة ( مهمه ، مهمه ، مهمه ، مهمه ) واكتب مهمه لين تتعب لانها بصراحة قبل الروحه للاختبار بساعتين او خلافه شيكها وصدقني راح تلاقيها قدامك في ورقة الاسئلة .


نقطه مهمه واخيره واعذروني على الاطاله

فيه مواد تحتاج للرجوع للمحاضرات المسجلة والمحتوى وهي الاصعب بالنسبة لك مثلا:

النحو انا فيه تحت الصفر فقلت مالها الا الدوفره وفعلا اشتغلت محاضرات مسجله ومحتوى ومتابعة مع الدكتور لين دخلت الماده براسي غصب وجبت فيها درجات ممتازة ، فلازم تعرف قدراتك بالمواد اذا المادة صعبه ركز فيها كثير واحضر محاضراتها وافهمها غيره خلك مع الملخصات واكسب وقتك وبالاخير الى الان لم نواجه صعوبات بالعكس طريقة التعليم ممتازة وتوزيعهم للدرجات اكثر من رائع ومعد بقى الا مجهود منك صدقني ما يتعدى 60% وراح تجيب درجات من درست ما توقعت انك راح تجيبها ..



آمل اني اكون وضحتلكم ولو بعض الشي واي استفسار انا جاهز وتحت الطلب



وفالكم التوفيق