|
رد: تجمع بنات الفيزياء لجميع المستويات
ملخصات هذا الأسبوع :
يوم السبت : كنت فاضية الى الساعة 11 بس جاو صديقاتي الخريجات  يستلمون وثايقهم وقعدت معاهم لين ماصار وقت محاضرتي اللي هي
رياضيات 3 تمارين مع الدكتورة عايشة الشهري اللي كانت معيدة قبل وهي تشرح زين بس المشكلة كانت في المجموعات تبيها نفس اللي في النظري
وأنا دخلت المدرج ماجت ولا وحدة من مجموعتي وظليت لحالي لين ماجت وحدة منهم متأخر فكان شعور لايوصف 
يوم الأحد : نفس الحالة فاضية وقعد مع وحدة من صديقاتي لين الساعة 11 بدت محاضرتي اللي هي أطياف تمارين وكانت حلوة والمعيدة ماشاء الله عليها شرحها زين وأخلاقها راقية .gif "(204)")
فكانت المحاضرة تحمس بس المشكلة فيني في مسائل ماحليتها وبعضها حاولت فيها أي كلام لأنها مرتبطة بالفيزياء الحديثة مع اني شريت الكتاب بس مو كل شي فهمته .gif "(177)")
بس كلمت المعيدة على هالموضوع قالت لي عادي مايأثر لأن هي لما درست الحديثة تقول أخذنا جزئية بسيطة في الأطياف فالظاهر المشكلة عندنا .gif "(107)")
البنات ماخذين ثلاثة أرباع حديثة 2 أطياف وقالت تعالي لي بأي وقت أشرح لك جزاها الله كل خير  
يوم الإثنين : أول محاضرة رياضيات 3 ساعتين المحاضرة حلوة بس يبيلها شوي تدريب عشان تثبت
والدكتورة ماشاء الله قاعدة توزع في الدرجات علينا عشان المشاركة جزاها الله خير
بعدين فاضية كنت انتظر اللقاء مع صديقاتي وبعدين قالوا بيسألون عند الأنشطة ورحت معاهم إلا أتفاجأ ان فيه اجتماع حق اللي مشتركين في نادي ديم مو كلهم طبعا
هم راسلين لي مسج عن الإجتماع بس مغيرين اسم الفريق فقلت هذا مايخصني الحمد لله اني وسألت ماسكت كان راح علي
وتعرفت على بنات ماشاء الله كل وحدة تجنننننن أكثر من الثانية
|