|
رد: [ مُجرده من البشر ] .. !
القصايد فـي "مشاعـل" مَشعَليّـه
تستفزّ الوَصْف والموصوف غايـب
قِلْ "مشاعل" تزهر الروض النديّـه
قِلْ "مشاعل" تِقْبِـل الفتنـه كتايـب
بِنْت من يجلي المهمّه عـن خويّـه
في الرخا يعطي وياخذ في الحرايب
قبْلـة الله يـا العنـود العارضيّـه
لا اقبلت تمشي مثِل مرّ السحايـب
كنّهـا باقبالـهـا بـنـت العبـيّـه
وان تثنّت قلت ذي بِنْـت الهبايـب
شامخـه مثـل النخيـل البابلـيّـه
ظِلّهـا هَيبـه ونظرَتْهـا وَهـايـب
عِطْرها نَفحَة صَبا (نَجْـد) العذيّـه
والليالـي فـوق متنيهـا ذوايــب
الهَدَب له فوق خَـدّالشمْـس فَيّـه
والبَحَر في دِعْجَها الخَدْرات ذايـب
بالثَغَـرصِبْـحٍ تحِـدّه مغربـيّـه
والثمان عْـذاب هَرْجتْهـا عذايـب
ألْفقلْـبٍ فـي محبّتهـا ضحيّـه
والْف طرفٍ لاجلها دمعه سكايـب
وهي تقول: (الله واكبر وش عَليّه)
ما تعدّ قْلوب مَـن راحـو ذهايـب
مِعْتلـيّـه..معتلـيّـه..معتلـيّـه
فوق عن هقوات راعين الطلايـب
كـل نجـمٍ عنّهـا ينْشِـد خـويّـه
والركايب سايَلَت عنهـا الركايـب
لاحَكَت.. تحكي حكاها مـن هنَيّـه
من على خَشْم الملمّـات النوايـب
حقّها والحـقٌ مـا يَرْجَـع خطيّـه
حقّهـا بالطيـب والابالغصـايـب
دامَهـا سِـتّ الحـلا والجاذبـيّـه
فتنة اهل الشِعْر وقْلـوب الحبايـب
ما خَلَق ربّـي علـى الدنيـا بنيّـه
واختصَر في حِسنَها السَبْع العجايب
ما خَلَـق الاّ "مشاعـل".. والبقيّـه
في حَلاهم مـن حلاوَتْهـا سِبايـب
قَبْلَها.. عَزّ الله .. ضلوعـي خليّـه
بَعْدَها عن ناعسات الطـرْف تايـب
يا "مشاعـل" .. القصايـد مشعليّـه
وان تغيبين القصيد العَـذْبغايـب
الله أكبر وش عليّه  
ههههههههههههههههههه
صح لسآن الشآعر علي السبعآن  
|