|
رد: معليش ياجامعتي بس ماجيتك انتساب الا وانا حدي مشغوله كافي عذاب
بالنسبة لمشكلتك مع المشاركه
بما انو انتي شاركتي وقبل مشاركتك
ابحثي عنها
شوفي ممكن تكوني شاركتي بنفس نقاش الدكتور
او تحت المناقشه يعني عملتي رد وطلعت مشاركه لوحدها
:
بالنسبة للضغوط اللي عندك والشتات
انا عندي ولدين عسى ربي يحفظهم
واحد سنه أولى والثاني تمهيدي وشوفي الحوسه كلهم يبغالهم تأسيس ومتابعه
بس عملت جدول
كل يوم مادة اشيك عليها من واجبات ومحاضرات و مناقشه
انتي اعملي جدول
ويكون وقتك عى النت وقت ماتكوني فاضيه ذهنيا وعمليا
عشان ماتكوني جالسه تسمعي محاضرة وذهنك متشتت
دوري على الوقت اللي يكون البيت هادئ
الجدول راح يريحك كثير
ونفس الوقت خلي لك جدول لشغلك بالبيت
الله يعين انا اولادي وربي مزعجين لدرجه ماتتصوريها كل شوي واحد ماسك بالثاني
وعندهم مذاكره وواجبات وحوسه
وواحد مو طايق الثاني وغيرة بينهم وبكاء وصياح
شوفي قد ايش معاناتي
ولعلمك ماعندي شغاله كل يوم ترتيب وغسيل ومكوى وطبخ
يعني مسؤوليتي لبيتي ودراستي وربي احيانا اجلس ابكي
واحيانا انسى حتى جهازي مفتوح واروح انام ما اصدق الاقي وقت راحه
بس توكلت على ربي وراح احاول اتأقلم مع هذا الوضع
الله يعينك اختي
|