|
رد: (..قـ / ـولــو .. للغـآلي .. قــولــو .. لـ / ـه..)
يابنت ارجوك انا مقدر كفاني ماضي الغلطات
اخاف الله يعذبني وانا خواف يابنيه
واخاف بساعه اللذه يجينا هادم اللذات
وياخذ من حشى جوفي بقايا روحي الحيه
انا لي ثمان سنين وانا مدمن على الشهوات
ديار الفسق حاستها مواطي تحت رجليه
عيوني من كبر همي تخلط الدم واعبرات
مسيل الدمع من عيني حفر بالخد ماريه
صحيح انك جميله بس تبنا من هوى الزينات
تركنا الحب غصب وطوع للعين الشقاويه
يابنت انتي على بالك اباخذ من بنات الشاشات
اجل مجنون انا يابنت اشيل العقد بيديه
ترى اكبر شي يربطني معك جوال ابو شاشات
وهاتف ينقل اشواقي على نبرات سلكيه
وترى كل العلوم اللي عطيتك بالهوى كذبات
وحتى دمعتي يوم الفراق الصعب كذبيه
هذاك اليوم ماهلت عيوني لجلك الدمعات
لأن الدمع ماينثر بقصه حب وهميه
انا اضحك معك واضحك منك وعليك اكثر الضحكات
كأني بالهوى جني يعبي راس جنيه
وانا ماني بخكري يلبس القمصان والشرتات
ويفرح قلبه المسكين اذا حب الدوينيه
انا من لابه اروت ضمايا سيوفها الغزوات
خلايا جسمنا عاشت على دم القبيليه
ودهنتي شعرك الأسود بألوان من الصبغات
وعيت تقبل الصبغه ملامح وجهك الخليجيه
وحشرتي جسمك المسكين بالبنطال والجنزات
خلاقين تصنعها مزاجات اليهوديه
عشاني ميت في ثغرك الأحمر ابو لمعات
تحسبيني ابرضخ لك لأن شفاك ورديه
ورب الكون ماارضى فيك لو انك شيخه الحلوات
واذا صمل علي العلم اكب ارض السعوديه
يابنت الناس عزك في سواد يستر العورات
وعزي في شماغ احمر وثوب ابيض وطاقيه
سعوديين نفخر في عبايات السعوديات
نغض الطرف اجلال اذا شفنا السعوديه
وخليجيين نفخر في عبايات الخليجيات
نغض الطرف اجلال اذا شفنا الخليجيه
|