|
رد: عدنا من قلب العمل ,,, أعتبروه كيفما تشاؤن ( توضيح أو تصحيح أو افادة )
.
احم احم ..
كل الطرق تؤدي إلى روما 
بمعنى أن كل اللي ردوا بهالصفحة صح بما فيهم الأخ ناوي 
ملاحظة
( اللي خايفين معلوماتهم تتلخبط ومايحبون الفلسفة نصيحة لا يقرون ردي هذا
لأن فيه من لحسة المخ الكثير )
.
الموضوع مجرد لخبطة بالمسميات
فيه فرق بين تكلفة إجمالية و بين ( تكلفة لكن في تاريخ معين )
التكلفة الإجمالية ( أو بالأصح التاريخية ) = سعر الأصل في حالة شرائه مع خرابيطه
لكن التكلفة ( مع تحديد تاريخ معين مثل السؤال اللي عندنا ) = القيمة الدفترية
مثل هنا بالسؤال حدد التكلفة بتاريخ 30 / 12 وذكر ان الأصل تم استهلاكه لمدة ستة شهور فقط
يعني عندنا ستة شهور أخرى لم يتم استهلاك الأصل فيها
و القيمة الدفترية معروف عنها بأنها ( تكلفة الأصل ــــ مجمع استهلاك الأصل )
بمعنى آخر القيمة الدفترية هي ( مالم يتم استهلاكه من الأصل حتى تاريخه )
واحنا استهلكنا من الأصل في 6 شهور مايبلغ قيمته 2000 ريال
معناتها نطرح هالقيمة من تكلفة الأصل الإجمالية اللي = 25000
يعني نفس اللي ذكروه الأخوان هنا طرحنا التكلفة الإجمالية 25000 - 2000 = 23000
يعني هالـ 23000 ريال نقدر نعتبرها قيمة دفترية استناداً إلى تعريفها
وبنفس الوقت هي التكلفة المطلوبة بالسؤال ولا شك بانها تكلفة من نوع آخر غير التكلفة الإجمالية أو التاريخية
كلكم صح لحد يزعل 
الفرق ان كل واحد منكم نظر للحل من زاويته ومانقدر نقول لأي واحد منكم كلامه غلط
أخوي ناوي أعتقد اللي تبي توصله ليش سمينا الناتج هذا بتكلفة مع انه بالأصل ( قيمة دفترية ) صح ؟
التكلفة المقصودة بالسؤال هنا مو هي التكلفة اللي خبرك يعني ليست سعر شراء الأصل >> أدري إنك عارف هالشي
بس قصدي في أشيااء كثيرة يطلق عليها تكلفة بالمحاسبة هالترم مو شرط التكلفة المعروفة حقت سعر الشراء
فيه تكلفة مستنفذة وغير مستنفذة و ثابتة ومتغيرة و تقديرية ومعيارية وضمنية وتفاضلية وووووووووووووو الخ
و أعتقد أنه تم الاستغناء عن مسمى القيمة الدفترية لسبب
وهو أن السؤال أحيانا مايطلب تكلفة ( أصل) مثل السؤال اللي ذكره ( X-5 )
لأن في هذي الحالة مانقدر نسميه قيمة دفترية فيمكن عشان كذا بحثوا عن مسمى أشمل
و أعتقد صار اسمها ( تكلفة غير مستنفذة ) أو الجزء الغير مستنفذ من الأصل
هذا اللي لاحظته من خلال تصفحي للمحتوى
والاخوان اللي ردوا هنا كلامهم أيضاً صحيح ماعليه غبار وأتفق معهم أيضاً
لأن السؤال طلب تكلفة بتاريخ معين.... أنا اللي علي أطلع الجواب ( الرقم )
وش دخلني ان الرقم اللي بطلعه له أكثر من اسم 
لكن ماأنكر انو من حقك تتساءل عن سبب عدم ذكر مسمى القيمة الدفترية بالسؤال بدل التكلفة
على فكرة انت ذكرت ببداية موضوعك ان الدكتور المفروض يطلب القيمة الدفترية وليس التكلفة
اختلف معك هنا هو طلب تكلفة صحيح لكن ماحدد لك اذا كانت تكلفة تاريخية أو غير مستنفذة
ترك لك استنتاج نوع هالتكلفة وهو أكيد عارف ان هذي قيمة دفترية لكن المحاسبة في هالترم
عالعموم كلامي يحتمل الصواب والخطأ
لسه مافتحت المحاضرات يعني لو جبت العيد سلكوا
حمستوني أبدا بالمادة هذي معني كنت مقررة أخليها آخر شي 
وترى حلو النقاش العلمي يحببنا بالمواد أكثر ....
لكن حبذا لو نحترم آراء الطرف الآخر بدون التقليل من شخصه حتى لو كان على خطأ 
أنتظر ردك أخ ناوي وأتمنى ماتبتعد عن النقطة اللي طرحتها بردي عشان مانتشتت :)
.
|