مدري انا قلتلك ولا ماقلتلك
ان الجفا والبعد والهجر محلول
لكن اخاف اجيك وانا مانيب الك
ويخيب ظني والرجا فيك مأمول
وتصدق اني مستحي منك اقابلك
لاصرت مدري يوم اقابلك شاقول
اذهلتني ونته بعيد بتعاملك
وشلون وضعي يوم اقابلك مذهول
اغيب لجل القلب ينسا ويهملك
بس الغلا والشوق لاغبت مدبول
ان كنت انا عن بعض دنياك مشغلك
انا ترى مالي سواك انت شاغول
حتى الكلام اللي تخطه بأناملك
كنه سحر يدخل بقلبي على طول