|
رد: مـــــــاذا ستكتب على جدار الزمــــــن؟؟
يالحظة الصمت ثار الهاجس الطاري
بعثر خفايا الندم واشتدت الحيره
احاول انسى وتشرد مني افكاري
هوجست به غصب عني يالله الخيره
الله يجازي غيابه .. حارق ٍ ناري
حزني عليه ابتدأ ينشب اظافيره
خلوني اسج وافكر ماني داري
حلم ٍ وعلم وخيال ٍ صعب تفسيره
ياما رجيته وياما طال مشواري
كل ماوصلته رحل من ديره لديره
ابطيت اتابع رجاه برحلة اسفاري
مهما انتهت بالصلف محتاج تدويره
لاقيل مالفائدة مدري وش اعذاري
اقول صعب ٍ والاصعب ٍ مااابي غيره
|