|
رد: الآن .. استمتع بمشاهدة محاضراتك على اليوتيوب 0 ، 1 ، 2 ، 3 + تفضل لطرح رأيـك
شكراً من اعماق القلب لكل من مر هنـا وأدلى بدلوه في هذا الموضوع .. شكراً لكم لكل اخ واخت
لا اعرف كيف اشكركم سوى اني اعتذر منكم اني لم اقوم بالرد على كل واحدٍ منكم بسبب عطلة
نهاية الاسبوع وتفرغي للإستمتاع بهذه العطلة .. يعجز لساني عن شكركم سوى اني اقول ..
جزاكم الله خيراً ورفع الله قدركم و جعل منزلتكم الفردوس الأعلى انتم ومن تحبون ...
بالنسبة للأخ عاشق الطموح في ردك .. (غريبه منك مارديت على إستفساري اللي أرسلت لك وطلب المساعده التي كنت أملها منك ؟)
اخوي انا رديت عليك في نفس الموضوع صحيح مارديت عليك برسالة خاصة وخليت ردي بالعام عشان الكل
يستفيد من ردي عليك .. وياليتك تتابع .. وترى مافي شي يجي جاهز على طبق من ذهب، امنياتي لك بالتوفيق
بالنسبة للاخوان والاخوات اللي يطلبون رفع محاضرات الاقسام الثانية :
انا قلت اي واحد يبي يساعدني على الموضوع انا بالخدمة وتحت امره ولو تبوني ارفعها ابشروا
وممكن اراسل الادارة واطلب منهم الاذن بإستخدام ايميل خاص بالموضوع هذا عشان يقدرون
يراسلوني اللي يبون نرفع لهم المحاضرات ويكسبون اجر في البقية
و بالنسبة للاخوان والاخوات اللي يقولون حقوق النسخ محفوظة .. والله انا من رأيي اننا ماسوينا شي غلط
وكل اللي نسويه من مصلحة الطلاب والطالبات .. عشان يخف الضغط على البلاك بورد ونقدر نسوي شي
مع ذا البلاك .. واذا ادارة الجامعة عندهم خلاف على الموضوع يقدرون يراسلوني او يراسلون ادارة المنتدى
وادارة المنتدى تبلغني ، وقتها اكيد راح اوقف كل شي ونقول سمعنا واطعنـا .. بس المشكلة مانقدر نراسل
ادارة الجامعة لانهم اصلا ماردوا على اشياء اهم من كذا .. تبيهم يردون على حقوق النسخ محفوظة ..
المهم انا راح اكمل رفع الملفات .. مادام رئيس مجلس ادارة المنتدى موافق ولو ما اعطاني الاذن مباشر
بس يكفي ابداء اعجابه لنفس الموضوع ، ولو في كلام ثاني احنا موجودين وين نبي نروح واليوتيوب موجود
يقدرون يراسلونه يلغي كل الملفات .. المهم انا هدفي واحد ولا راح اتراجع عنه الا بخطاب رسمي لي او للإدارة
وفي النهاية هدفنا جميعاً هو الفايدة لكل اللي يدخلون هالمنتدى ..
وهدفي الشخصي هو دعواتكم لي 
بالتوفيق للجميع وشكراً الف شكر مره اخرى
|