بحضر زفافك يا غناتي بحضر زفاف اللي هويته
وبرزف عشانك لاتحاتي وبهديك كل اللي بغيته
بهديك دمعي واعبراتي والهم اللي فيني رميته
بحضر ولو بعرسك مماتي شايل معي قلب نسيته
واجمل قديم الذكرياتي والظيم اللي منك خذيته
وبذكر ليالي الماضياتي كنت الوليف اللي اهتويته
كنت الذي لاجله اباتي ساهر ونومي ما اهتنيته
بهديك في ليلة وفاتي حلم الليالي اللي طويته
واعطيك من قلبي امنياتي تلقى الهنى بدرب مشيته
وتعيش في راحه وسباتي ويا الذي عقبي لقيته