|
رد: .••| ... بــــــ ح ــــــه ... |••.
عقبال يـآماخذ فؤادي مية عام
.. ضيعتني منك وانا ما اهتديتك
لا ..ما نسيتك كيف بانساك ما دام ؟!
.. ذكرى الفراق تهزني لو نسيتك
حبك قدر وانـآ على دين الإسلام
مكتوب في وجة الجبين ورضيتك
لك في الضمير الود والحشمه اتوام
ولي في ضميرك مثل ما انا بغيتك
ولك منزل في نايف القلب وخيام
وذود الغلا ترعاه ولاشكيتك
يفطر عليك القلب وإن فارقك صـآم
والله لو إنك شوك سدرة كليتك
القلب طير لا دعي للهوى حام
ولا انت وكرة من كثر ماهويتك
|[كن العيون من النظر عقبك ايتام
وكني ماريت الا انت من يوم ريتك]|
وكنك معي وانا فقدتك من اعوام
مع الخيال القاك كني لقيتك
من صعب وصلك ماتهنيتك احلام
وان جابتك فزيت شوق ومحيتك
يعني وصالك صعب واهدافي اوهام
يعني[ زرعتك] للقدر[ ماجنيتك]
صبرك يقولون العرب كل الايام
يوم عليك ويوم لاجاك جيتك
ويا قلب ياللي ورثك اجروح وألآم
بليتني ماهو بـ أنا اللي بليتك ....
ولعتني من عادني في الهوى خام
واسرفت بي وانا خطامك عطيتك
طعتك وزبدة طاعتك هم وهيام
مالله كتب لي واستخرت وعصيتك
لو للقلوب اسواق بايع وسوام
لا ابدلك وان جيتني ماشريتك
والا انت ياللي جيش عينيك مقدام
لا اقنعت منك والرجا مارجيتك
كني سجين بين افراج واعدام
وكنك سجن وانا بنفسي بنيتك
عقب الوصال اللي على عين من لام
قد هو يكفيني عن الوصل صيتك
|[وقدني الى مريت بالشارع العام
لديت من مافي الضمير ودعيتك]|
ادري ان صوتي ماقطع عشرة اقدام
وادري بي اعود الى من نصيتك
ياشينها يامحني راس الإبهام
مقدر على شوفك وانا عند بيتك
|