|
رد: [ ( شَوُآردْ شَع’ـريّه ) ] !
لحظة كسوف الشمس ماتنفع شموع
.............................. حتى تعود الشمس من بعد غيبه
ياغايبه ماشفت زولك من اسبوع
.............................. تراني ادفع في غيابك ضريبه
اقضي هدوء الليل ساكت وموجوع
............................. ولاراح ليلي قلت صبحي يجيبه
وفتحت لي في صفحة الشعر موضوع
............................ وسميت موضوعي غياب الحبيبه
وإن كان قصدك ياهوى الروح ممنوع
.......................... هذي على العشاق ماهي غريبه
حبك كمـا ورد علـى القـلب مزروع
........................... عطره يسليني بنفحات طـيبـه
بس البلأ دنياك ماهي على الطوع
......................... اخاف من سود الليالي الغريبـه
واسمع خبر حبل الامل صار مقطوع
......................... وقالو حبيبك مقتنع في نصيبـه
في وقتها معذور لوقمت بدمـوع
........................ كتم المشاعر بالضماير مصيبـه
وياعود ريحان على جال ينبـوع
........................ قلبي طرى وادنات ريح تجيـبه
|