عهدي بها قدام تلبس عبايه
.................وانا بعد قبل البس شماغ وعقال
طفلين نتهجى حروف الهجايه
...............الله يامجمل سواليف الاطفال
كانت لنا في كل شارع حكايه
............وكنا نقول علوم ماهيب تنقال
وكنت اتقاسم ما معاها معايه
..........من عسكريم والتوت ابو ريال
وكانت بعكسيشاطره في القرايه
........تقرأ جزء عم وطه والانفال
وانا لك من مواري غبايه
.........مدري ابو النقطه هو الدال او الذال
وكانت لابويه تشتكي من شقايه
.........وتعلمه كيف اربط الباب بحبال
ياما على ظهري كسر عصايه
........يقول لي :خلك وانا بوك رجال
وامي تقول:ادع لولدك الهدايه
..........خوفي يصيبه كثره الضرب بهبال
لاشفتها مع اول الدرب جايه
..........مدري انا اللي ملت ولا الوطا مال
احس قلبي يرتجف في حشايه
..........ما كنه الا الضيف لاهز فنجال
ياما عن( السعلي)تخبت ورايه
.........لاخوفها فيه ثم شافت ظلال
تقول:خلك يا محمد معايه
..........واستانس العب عندها دور الابطال
واغار حتى من عيون اصدقايه
...........لاطالعوها قلت:((تكفووون ياعييال))
[مما راق ليي].....