يا اخواني الوظيفه رزق من عند رب العباد .
و لاكن نجي للهدف الاسمى من الشهاده سواء انتساب او غيره . انتي اختي عندك الفرصه اكثر من غيرك بوظيفه غير مجال التعليم . مع املنا الكبير بالله ان القوانين المصديه اللي يحطونها وزارة التعليم راح تتغير بحول الله لأنها انظمه اعتقد بل واجزم انها لا تعتمد الا على فكرة عدم زيادة اعداد المتقدمين على وظائف التعليم . وبعدين انتي الحين تبين نقول لو ما بتوظف بالشهاده هاذي ماني دارس ؟؟؟؟؟ هذا كلام غير منطقي اختي وبقوه .
اجل ما سمعتي بالشباب اللي معاهم شهادات طيران ومن خارج السعوديه وعيوو يقبلونهم , ماسمعتي بخريجين الجامعات الانتظام واللي لهم فوق سبع سنين وماتوظفو . وما سمعتي بخريجين طب خايفين انهم ما يعدون الاختبارات المتطلبه منهم وما يتوظفون , وماسمعتي بسائق لموزين معاه شاده جامعيه , وما سمعتي وماسمعتي وماسمعتي ؟؟؟؟
الشهاده تذكرة مرور بجيبك لو حصل وحصلتي وظيفه على الاقل تقدرين تنافسين عليها مو تجينهم بشهادة ثانوي او معهد خاص او غيره . الشهادة ربما تكون طموح ورغبة عند الشخص اكثر من انها وظيفه .
من حقك اختي انك تذكرين المعاناه لاكن مو بالطريقه المحبطه هاذي , اذا بنقيس على عدد الناس اللي معهم شهادات وما توظفو ما راح اقيس على الاخت لحالها لاكن راح اقيس على مئات الالوف اللي معهم شهادات ويدورون اي وظيفه تساعدهم في حياتهم مو بس في مجال التعليم .
رسالة الاخت لنا واضحه ولاكن تمنيت لو انها تعيد صياغتها بطريقه افضل , لأن المشكله ليست في نوع الشهاده اللي تحملها بالعكس هي تملك شهادة جامعيه ولاكن المشكله في العقول المتحجره في تلك الاداره اللي مازالت متسمره في اماكنها والعالم يتطور ويسير ويتسابق وهم مازلو في مكانك سر . والله المستعان .
واخيراً اسأل الله لك ولصاحبة الموضوع التوفيق من عنده ولجميع شباب هذا الوطن .
واسف على الاطاله
تقبلي تحياتي