اممممممممم :mh19:
اولا حتى خم كانو ابائهم يتحسرو على زمانهم وهذي غريزة في الانسان اولا ما ينخلق يبغى متى يكبر و بعد ما يخلص شبابه يتحسر على الماضي .... و هذي نقطة
ثانيا انا شخصيا اشوف انه في شيء من الصحة بس مش دايما يعني كل زمان له عيوبه و حسناته للاسف اقوالهم ناتجة من اللي يشوفوه يعني ابسط مثل اذا رحت المول تشوف الشاب مع انه مقطع ال27 يتسكع بشعر كأنه عبلة على غفلة و اخر مياعة ضارب كل مقاييس الرجولة بالحيط !!! , و اذا رحت لمدرسة او مستشفى و سألت موظفات متزوجات تلاقيهم هم اللي يصرفوا عالبيت و الزوج الكريم في المقهى يلعب بالبلوتوث !!! اما مدارس الاولاد فكثير منهم الله يهديهم ما يتخرجوا من الثانوية الا و هم في 21 على الاقل ,, طبعا الله يخلي الشردات ...
و اعطيك مثل تاني عن اللي صار ايام اختبارات الثانوية ,, اللي ضرب استاذه و اللي كسر سيارته متناسين كل القيم و المبادئ اللي تربو عليها
اما البنات فحدث ولا حرج ,,, عشان تدرس لازم تلبس ماركة !! و اذا جابت 90 منت على اهلها الاجازة كلها ,,, الجوال 24 ساعة في الاذن ,, و النوم مقلو ليل نهار و طبعا الله يخلي الشغالة ترتب السرير !!!
اذا بغت امها شي ماهي فاضية و اذا هي بغت شي مو بكيف امها تقولها لاء !!
للاسف لدرجة اننا صرنا نشوف البنات في المطاعم يمسكو السيجارة و المعسل بكل فخر و اعتزاز !!!!
...................................
بس هذا كله مجرد بعض مظاهر المجتمع و متل ما في الشين في الزين .... يعني الدنيا لسة بخير و بعدنا نلاقي شباب ماشالله عليهم قمة في المسؤلية و الرجولة و الكفاح و يا ما طلاب في الجامعات يشتغلو لانهم شايلين مسؤلية اهلهم و بعدنا نشوف شباب ينزلو عيونهم الارض اذا مرت البنت من قدامهم ...يعني امثلة كتير و حتى البنات ما شالله لسة نشوف الحيا على وجوهم و الاخلاق العالية
زبدة الموضوع انه اي زمن و اي مكان فيه سيء و حسن و مايحق لايا كان انه يحكم و يعمم بموجب الزمن او المكان لانه اصابعك مو سوا !!
ادري ردي يمكن يكون اطول من الموضوع ذات نفسه !! عموما مشكور اخوي و ننتظر دائما جديدك