من اجمل ماقرأت
كل دار أرجعت وأنـا سنـاوي
عزتي للي سواتي عزتـي لـه
زادت الحمى فرحنـا للمـداوي
والمـداوي زود الحمـى مليلـه
يا........ قام يطوي الحال طاوي
والله ان كبدي على شوفك عليله
والله ان قلبي على شوفك شفاوي
مير لا بيدي ولا بيديـك حيلـه
سجليني في بحر حبـك فـداوي
انا مجنونك بعـد مجنـون ليلـه
يارقبت الخشف ياعين النـداوي
ياسراجيف الذلـول المستحيلـه
يامناةً تنقصـر عنهـا المنـاوي
ياخيار الدهـم يالقبـا الاصيلـه
نعنبوك انتي مكاسر عود جاوي
ملبسك سندس شرابك سلسبيلـه
لو تمرين الشيوخ اهل الفتـاوي
عودو مثلـي يجـرون الطويلـه
من هوا شـرواك والا لايهـاوي
التقيد من بعض الاشيـا فضيلـه