|
رد: جامعة الملك فيصل ماجات تحط هـ النظام إلا هـ السنه !!
بارك الله فيك اختي تكلمتي بلسان حال الغالبية وانا أولهم
شذنبي معدلي كان 85% ما انقبل وتمضي على شهادتي سنوات وينحط عليها اكس مافي فرصه للقبول لا بجامعه ولا كلية داخل منطقتي طيب ظروفي ماتسمح إني اتغرب عن منطقتي وادرس في مناطق بعيده
اظل طول عمري اتمنى واحلم باليوم اللي اقدر اواصل فيه الدراسه بقبولي واحصل على شهادة بكالوريوس وافتخر بتعليمي زي ما تفتخر اي طالبه واخدم وطني ونفسي واسرتي
والقهر معاي طالبات نسبهم اقل من نسبتي بكثير !!!!!!؟؟؟؟؟ واسمائهم تطلع بالدفعات الأولى ؟؟
وكانوا صراحه هم والكراسي واحد بالفصل مع احترامي لهم وانا اللي تعبت وسهرت واجتهدت بالرغم من كل ظروفي ما انقبل
شذنبي اذا معدلي ينزل من امتياز الى جيد جداً بسبب اسئلة الثانوية العامه سابقاً وكلها اسئله محوره محيره ماتعرف مقصدها
والأهم من هذا شفيه المعدل 85 بالجامعات الخليجيه الثانيه يصنفونه من المعدلات القويه ليه هنا غيررر!!!
وبالنسبه للي يقول ماتفرق بين انتساب او انتظام لا تفرق كثير
تفرق بمجال الوظيفه وهم تفرق بالرسوم اذا الطالبه ماعندها دخل مساعد لدفع الرسوم كل سمستر شراح تسوي
انا مضت على شهادتي الثانويه فوق 5 سنوات ودخلت انتساب على امل اني اجيب معدل ويشفع لي وانتظم وكنت عارفه ان مايحق لي لأن عدت على شهادتي 5 سنوات بس اناشد المسؤولين عن القبول شنو ذنبنا وانتوا اللي ماقبلتونا بكل سنه نسجل ؟؟؟
ووين ينباع فيتامين واو حتى نشتريه !!!
اعرف ان كلامي ماراح يغير شي من الواقع لكن هو صوت ومظلوميه تمنيت اوصلها للمعنيين ومتأكده راح توصل حتى ولو ماعملوا شيء والمشتكى لله وحده
واتمنى لو اقدر اوصل رسالتي لأمير القلوب ولوالدنا الكريم الأمير عبدالله الله يحفظه
واقول له بنتك ماتطلبك بيت ولا مبلغ مالي ولا عطيه من عطاياك الكريمه
بنتك بس تطلبك تكمل دراستها بإنتظامها بالجامعه 
|