السلام عليكم ورحمة الله وبركاتة
اسعد الله اوقاتكم بكل خير
ياجماعة الخير طفح الكيل من الي اسمه البلاك بورد الى متى يعني هالحاله ؟
الحين هم يطالبوننا بحضور المحاضرات وتنزيلها وكذلك الواجبات لا وواحد من الدكاتره الله يجزاه خير قاعد يردد لن اقبل الواجب الا بالتاريخ الي احدده I will not give you extra time !!!!!
طيب يالحبيب مع نفسك الله لايهينك كلمهم يضبطون البلاك حقهم بعدين اطلب الي تبيه ماعندنا مشكلة .
ضاع وقتنا وحنا شيل وحط مع المدعو بلاك بورد تصدقون اني مخلص دوامي الساعه احدعش بالليل قلت انام بدري واصحى بدري اطقطق بعض الأمور بالبلاك بورد . صحيت مع زقزقت العصافير ومابقى الا اشغل فيروز من الروقان <<<< ام الشاعرية والرومانسية
ابي البلاك بورد ... ابي البلاك بورد... ياولد البلاك بورد اغسل ايدك ياشيخ
انا عبر هذا المنبر اطالب الجامعه اما انهم يضبطون بلاكهم والا يعفوننا من تنزيل المحاضرات والواجبات .
حنا ماحنا فاضين ماغير نرتز نطح الجهاز ونعطل اعمالنا ونترجى هالبلاك يفتح لنا .
هذا والله من ورا القصد