|
رد: ((أسمعك تمشي وسط قلبي وناجيك*--_--*والناس تحسب مشيتك نبض قلبي))
مساء الخير ـ هالمره ـ بلاش آسف على التأخير
مــدام الــرد بعــيونك .. دمـــوع فــكل تــأخيره
ثقل دم العذر ، والا كسح وجه الخطا تبــــرير
مدامك عارفه طبعي .. أجل وش هولــه الحـيره
ترى ماجيت لجل اسمع سواليفك عن التقصـير
أعرف ان الخطا مني ( بلاش نعيد هالسيره )
انا وانتي بهالدنيا تحملــــنا بعضنـــا كثيـــــــر
تعوّدتي على عنادي ، وصرت احـب هالغيره
انا وانتي حكايتنا مثل : صدر السما والطيـــر
كثير اللـــي يطالعـــها ،، ولحــــدٍ طالها غيره
انا وانتي حكايتنا .. مثل لعبه ، وطفل صغيـر
مــــع انـه دوم يهملها .. رفض يسمح بها لغيـره
انا وانتي .. وش اوصفلك ؟ عجز عن وصفنا تعبير!
مثـــل! مـدري ! مثـل وشـّو ! ولكن صعب تصويره
انا وانتي ـ بلاش انتي ـ أنا ـ لو بفقدك شيصير
ومجرد طاري الفرقا علي ياصعب تأثيـــره
أحبك ؟ ايه أحبك .. ذي بعد يبغالها تفكــــير
يخلف الله على عقلٍ ملكتي كل تفكــــــــيره
تعالي .. نحترم ( شيبة غلانا ) .. لعنبو التصوير!!
تعـــالي نغتــــــنم فرصة لقانا دامها قصيــــرة
ومساء اللي تبي ، حاضر ولاتزعل ( صباح الخير )
أنا كل يوم بتأخر .. اذا في دمعتك خـــيره
|