|
رد: صحيحٍ مٌاٍنيٍ عُلىٍ ضٌلعٍ اٌلوٍسآٍمه [ أٍميرٍ ] لٌكٍنيٍ ارقٌاٍ علىٍ ضٌلعٍ المرٍاجلٍ [ مٌلكٍ ]
يسعد صباحش ويسعد لي مساش الجميل
يا قبلة الكون كله ويـن نسمـة هـواش
غيبتش سوت سوايا يا أم طرفِِ كحيـل
يا نور عيني طلبتـش لايطـول بطـاش
النار من غيبتش شبت بـرأس الفتيـل
وهشيم صدري من اللوعات ما عاد عاش
انساش يا ملهمتنـي شعـر ذا مستحيـل
في ذمتي بالغـلا محـدِِ يعـادل غـلاش
أنتي ملكتـي كيانـي والزمـن ذا بخيـل
الوصل بيني وبينش صدق يبغى نقـاش
هائـم بحبـش ولا أدور لغيـرش بديـل
مشاعري فيش تنظم جزل الأبيات كـاش
أموت لمواجهش والموت عنـد الرحيـل
تكفين روفي بحال اللي يـدور رضـاش
الوصل للعاشق الهايـم هـو السلسبيـل
والبعد سقم المريض وطب جرحه دواش
العلم وصلش وأنا فالوصل ما أبغى بديـل
أعلمش وأنتظر منش لا عـل وعسـاش
|