|
رد: {•بِآختِصآآر وفےڴلمتين آنــ♥ـــا حآآجهـ بهآلزمِن مآتڴرر مرِتيِن•°...~}
يفداك عمري مابقـى بالسمـاء نـور
من رحت عنـي مابقـى بـي بقايـا
أحس كـل الكـون خالـي ومهجـور
شفت الوداع شلـون سـوى سوايـا
يبكيك قلب وبيـت والبـاب والسـور
والضيقـة اللـي ساكنـه بالحنـايـا
ويبكيك وجه الأرض والعشب والبـور
وليـل النجـوم الظاهـرات العرايـا
ويبكيك طعم العدل والظلـم والجـور
والكـذب واللـي ساكـنٍ بالخفـايـا
ويبكيك صمت اللي من الهجر مقهـور
ويبكيك صبـح الطاهـرات الصبايـا
ويبكيك صدق ونبض وإحساس وشعور
والتوبـة اللـي عذبتهـا الخطـايـا
ويبكيك غصن جـف وأوراق وزهـور
وتبكـي عليـك المظلمـات الزوايـا
ويبكيك عمر مات له حفنـة شهـور
ويبكيك طيب وصدق بيـض النوايـا
حتى الشوارع دمعهـا صـار معـذور
والأرصفـة وأنـوراهـا والمـرايـا
تعال شف صدر السماء شـح بالنـور
الكـون كلـه فـي غيابـك ضحايـا
|