|
رد: [ ( شَوُآردْ شَع’ـريّه ) ] !
اقتباس:
المشاركة الأصلية كتبت بواسطة ( هَـمس )
مســـــــآئي بحضوركـ
. . . . . . كله فخآمـه 
^
ي حظي  |
أقبل مساك وقلت له يامسا الخير
.......... يسعد مساك وهالمسا مرحبابه
لك الحضور المخملي دون هالغير
.......... كلك بهاء وكبرياء ومهابه
فزت لك ورود الهوي والنواوير
.......... والغيم رتّب لك هطول السحابه
والحلم واطيافه وتغريدة الطير
......... يشكلون الوان روح الصبابه
مسيارك لقلبي من اغلي المسايير
......... وحدب المحاني كلها لك رحابه
ولك المشاعر زاكيات التعابير
......... ولك الهلا والمرحبا والحبابه
سولف وعطني سالفة سالم الزير
.......... وانا بسولف لك علوم الصحابه
وبعد بسولف لك عن الفرم والطير
.......... ذاك الأمير اللي عزيزن جنابه
أبيك تاخذ مكرمات الأساطير
.......... لاوين والدنيا تعيش الرتابه
علي تعاليل الهوي للمشاهير
.......... سولف وليل الود محد ٍ سرابه
وان جيت رهبان الهوي خلك الدير
.......... لاياخذك شك وظنون وغرابه
لك الوعد كل الليالي مسافير
.......... في جيّتك والذنب يلقي ثوابه
ولك الغلا وسر الغلا يحفظه بير
.......... أنته وانا والليل نقرا كتابه
يامرحبابك وانت سيد الغنادير
.......... والقلب قلبك وانت مفتاح بابه
وش القمر ؟ وانت بحضورك قمر غير
......... من علمك ان الليالي تشابه
.
.
|