ملتقى طلاب وطالبات جامعة الملك فيصل,جامعة الدمام - عرض مشاركة واحدة

أبو نشوان · #1 2011- 10- 19

بسم الله الرحمن الرحيم
أخواني الطلاب أخواتي الطالبات فلذة كبدي البلاك بورد

لو أن لك أذنا تسمع الشتائم لتمنيت أن تبقى كما أنت عليه الآن أما بعد

ياجماعه كل مادخلت قسم لقيت نفس المشاكل والملاحظات اسم الدكتور ماهو موجود مافي محاضرات مسجله مافي واجبات
للحين المحتوى مانزل البلاك بورد مايفتح ... الخ ياجماعه حنا طلاب في جامعه حكوميه ماحنا في بوفية اذا اذن المغرب تقفل
وتطلع برى حتى لو ماخلص طلبك

جامعة عريقه ونزل تصريح رسمي أنه يطورون النظام ويرقونه واكيد بيوسعون المساحه اللي حبيت اقوله لاتستعجلون رزقكم
وتشغلون انفسكم بأمور الجامعه اللي ملزومه انها تسويها وحطوا انفسكم بموقف الاداره يعني انت جالس تصلح شي وكل شوي جايك واحد يتذمر ويتشكى فوق راسك
لاهو اللي خلاك تشتغل صح ولاهو اللي خذا منك حل لانه مابيدك شي والظغط على جهتين النظام مظغوط وراعي النظام مظغوط
وسعوا صدوركم الامور بسيطه وسهله ولله الحمد والجامعه ماتقصر وبكل قراراتها مراعيه ظروف الطلاب تأجل الرسوم وتمدد فترة الواجبات والمشاركات
وتعطي الدرجه للمحاضره المباشره حتى بعد مايطوف وقتها .. الخ وشتبون اكثر من كذا
كل اللي اتمناه منكم سعة الصدر والصبر الطلاب الجدد مااستنكر منهم هالشي بس الغريب الطلاب القدامى ؟؟

حالتهم حالهم ويتذمرون يوميا واربكوا الطلاب الجدد مساكين علبالهم طارت الفلوس ورسبوا
بالنسبه للطلاب خذوها نصيحه من مجرب ومحد مجبرني على الحلف ( والله ) إني مااذاكر ولاالخص المواد الا قبل الاختبارات باقل من شهر
ومعدلي فوق 4 ولله الحمد

الصبر مفتاح الفرج