2011- 10- 19
|
|
أكـاديـمـي فـعّـال
|
|
|
|
|
ملايين الجامعه ,,, إلى أين ؟
بسم الله الرحمن الرحيم
السلام عليكم ,,
لقيت خبر من 5 أيام تقريباً في صحيفة الجزيره
بتلاقونه
هنــــــــــــــــــا
وهذي صورته
جبت الجوال ودخلت الآله الحاسبه
وقمت أضرب
35,000 طالب وكل طالب مستجد دفع 2450 ريال
وكانت النتيجه
85,750,000 ريال
هذا الترم اللي احنا فيه الآن من غير الطلبه القدامى ( مستوى 2, 3, 4, 5 )
اللهم لا حسد
لكن طرت لي حاجه يوم شفت نتيجة الحسبه البسيطه هذي
( قناة الجامعه التلفزيونية ) اللي اعلن عنها قبل ترمين وين راحت ؟!
وش صار عليها ؟!
معقوله إنشاء قناة يلزم كل هالوقت !
احنا الطلبة بتفيدنا هالقناة لو شغلت وفعلت وبنعتمد على الله ثم عليها في ظل مشاكل البلاك بورد .
يا جامعتنا ,,, يا جبيبتنا ,,, مسجل لي 18 ساعه 9 مواد وفيه أربع مواد لحد الآن لا محاضرات ولا منتدى حوار ولا واجبات حتى اسم الدكتور مو مبين !!!
احنا عندنا اشغال واعمال وهناك ظروف لكل شخص , حبينا نستغل هالفرصه ( التعليم المطور ) لإكمال تعليمنا لانه يناسب ظروفنا , لكن لا تخلونا نندم على التحاقنا بهالجامعه .
امضيت سنتين وكل فصل فيه مشاكل وعقبات ونقول ان شاء الله تهون وبالفعل ما يمضي شهر الا كل شي تمام وعال العال , لكن هالمره من جد طولها البلاك بورد و المحاضرات الناقصه و اللي ماهي فيه أصلاً , ولا واجبات ولا مشاركه وكثير من الوعود اصبحت سراب .
86 مليون ريال مبلغ مو بسيط , ياليت نشوف جهد وشغل يوازي المبالغ اللي تستقبلها الجامعه من الطلبة .
( تخفيض في رسوم الساعات وارجاعها لـ 100 درجه في الامتحان حل برأيي جيد حتى تجهز الجامعه في نظامها التعليمي > المطور < )
كثير من النقاط لدي لكن تحتاج الى جمع وترتيب وطرح , لكن هالمشاركه كتبتها على عجالة .
تحياتي لكم
|