ملتقى طلاب وطالبات جامعة الملك فيصل,جامعة الدمام - عرض مشاركة واحدة

اهـــم 001 · 2011- 10- 20

اقتباس:

المشاركة الأصلية كتبت بواسطة رمز التفاؤل

تسلم تسلم بيض الله وجهك ...

وبعدين وش همبوجر وش ببسي انا اغى مفططططح هههههههههه

اقتباس:

المشاركة الأصلية كتبت بواسطة جوري الملتقى

من وين جايب هالخلطة السحريه ناوي على البنت من اولها

اي هين انتي وياها.....

كانت هذي قهوة جدي حاتم الطائي .....بس وقتها مابعد نزل الببسي كان السي كولا
كان يقهوي ضيوفة ثم يرسلني على الخيل حقة يقول رح ماكدونلز وجب لنا شي يجمل نكرم ضيوفنا
لدرجة ان عمال ماكدونلز صاروا بس يشوفني جاي بالخيل من آخر الحي ..يجهزون طلبي ....اللهم اجي اسجل في الدفتر لان جدي كان فاتح حساب عندهم الى اخر الشهر ...

بس من كثر الضيوف والروحه والجية ..معاد اقدر انام....فصرت اتهرب .... وفي ليله جاه ضيوف ...سأل عني قالوا ماندري..دق على جوالي لقاه مقفل ..لان كنت اقطع الحبل اللى بين الكوبين

>>>> مانسى مادة العلوم

المهم تورط مايقدر يطلع من البيت ولافي حد يرسله ....راح دور ذبيحة مالقى ....التفت يمين شمال مالقى قدامه الا الخيل

قام ذبحه عشان يعشي ضيوفه

يوم رجعت بساعة متأخره من الليل يمكن الساعه ثمانيه ونص

شفت هذيك الشوفه بس ياليتني ماشفت

....
زعلت منه

...قلت ابداً مااجلس بهالديره ......بهاجر خلاص ...بهج الى اخر الدنيا .....قمت اخذت خلاقيني ...واخذت سيفي ...ثم هاجرت لعند جارنا

جلست مع صديقي هناك فتره طويلة يمكن قربت اسبوع

.....اشتقت فيها لجدي ...

رجعت له ..يوم شافي اخذني بالاحضان ....على بالي اشتاق لي اثاري عنده ضيوف بالبيت ؟؟؟؟ قال رح وانا جدك جب لنا غدا لضيوف.......قلت له امعصي مانيب رايح الين تجيب لي خيل .... قال ياشيخ استح على وجهك انت ولد حاتم.......رح شفت الروز رايس اللى اخذتها لك .....كانت اول سيارة يصنعوها ذيك الايام ..بس بصراحة مهيب عاجبتني الى اليوم...برغم ان سبب تصنيعها هو طلب جدي ...بس عاد انا بعد ماشفت وجربت مافي زي العراوي

المهم مالكم بهالسوالف بس اللى جابها .....قولتكم وصفة سحرية