أسهل الحزن .. دمعٍ .. لا رمشنا .. / هما
وأصعب الحزن .. دمعٍ .. نرمش ومايطيح

ليتني .. في الفراق .. أبكم / واصم / وعمى
وانتهي .. معك .. قبل مفارقك .. وأستريح

كنّك .. الغيم .. في كفّي .. وكفّي .. سما
وفـ المدى كنّي اسمع .. صوت خطوات ريح

اكره إني .. / أفارق .. وأكرهك .. / كلّما
جبت .. طاري .. فمان الله .. / والله يبيح

وادري .. إني بَعَدْك .. من الظمأ .. للظمأ
وأنت تدري وأنا ادري .. ليه احسّه صحيح !

الأماني .. قصيرة .. لو نمى .. مانمى ..
وان غدت شوك في كفّينك .. ومات شيح

وقتها .. قم .. تولّم .. لـ الوداع .. إنما ..
لايروح الكلام .. مسامحات .. ومديح .. !

خلّنا .. لا إحتمينا .. والفراق .. احتمى ..
نشبه الشمع في نفسه يشبّ و يسيح .. !!

الحاضر / الغائب .. محمد علي العمري ..