|
خــــاص لــ" سنة 3 و 4 " , اللوكرات و تجديد الاشتراك !!!!!!
صبـاح / مسـآء الخير  ,
بدخل بالموضوع بدون مقدمات , أكيد الكل سمع بسالفة تجديد العقد حق اللوكرات
و اللي ما سمع فيها هي : " أنه بنات سنة 3 و 4 لازم يدفعون 100 ريال كتجديد اشتراك "
الحين ابي أفهم ليش الـ 100!!
احنا وقعنا قبل ما نستلم اللوكر أننا ندفع 200 ريال مقابل استخدام اللوكر لمدة 4 سنوات ..
و معروف ان العقد اللي يكون بين طرفين لازم ينفذ كاملا وعدم إلغاءه إلا في حالة ان يتم رد المبلغ "200 ريال " و من ثم الاتفاق من جديد ..
و ترى القضية مو قضية فلوس القضية قضية مبدأ
و يوم رحت أشتكي قالو لي : ترا في بنات كثير قبلك جو و اشتكو و قلنالهم يكتبون خطاب لـ د.حصة بس للأسف قليلين مررره اللي أكتبو خطاب !
بنآآت لازم ما نسكت عن حقنا , كل وحدة تكتب خطاب لـ د.حصة
الخطاب : تكتبينة و تكتبين بالاخير أسمك و رقم جوالك
مكان تسليم الخطاب : قسم كلية التربية ( اللي هو ادارة الاداب قديما ) غرفة رقم 2 ع اليسار
^ حتى اللي جدوو العقد و دفعو .. أرسلو الخطاب
يد وحدة ما تصفق لازم الكل يكتب بلغو صديقاتكم و أنشرو الموضوع بكل مكان ( بلاك بري – التوتز اب - ... )
الى متى بنظل سآآآآآكتين عن حقنا !
خلااااااص صار لازم نحط لهم حد ! و أعيد و أقول القضية مو قضية فلوس القضية قضية مبدأ ..
|