|
رد: ماني قـــادر افهم على شرح هــ البني أدم هذا
ياانها كانت معقدتني ومازالت بس سهلت علي شوي وعرفت انه يشرح المسكين بس مع نفسه .gif "(269)")
المهم انا عندي ملخص سلمان النزال بالنسبه للمحاضره الاولى والثانيه كنت اقرا واسمع شرحه
واحاول اطبق ع الواقع واجيب اشياء على قدي واتكلم مع الوالد فيها وساعدني كثير الحمد لله
اما بالنسبه للمحاضره الثالثه واللي للحين انا واقفه عليها ومالي مزاج اكمل < نقطه انتهى
قررت امسك دفتر وقلمين الوان طبعا وابدا معه ارسم الجداول وارتبها مثل شكلها بالملخص بس
مسطر كنه جدول صدقي وكل علاقه بلون مثلا للسلعه الاولى x-1 بلون اخضر و u-1 بلون احمر
وMu-1 اخليه رصاصي واسطر خط عامودي وابدا للسلعه الثانيه x-2 بلون اخضر و u-2 بلون احمر و
Mu-2 بلون رصاصي وابدا اسمع واشوف شرح الدكتور واسجل كل نقطه يشرحها او يقولها تحت
الجدول كأنهم مثل النقاط المهمه وطبعا لازم تكون مركز وفطين معه لانه بيسمي كل علاقه مثلا
"Mu-1 المنفعه الحديه للسلعه الاولى وهيك مع الكل " واذا خلص شرح وخلصت كتابه ملاحضات
اروح للملخص واقرا الكلام اللي قاله واللي طبعا مكتوب بملخص سلمان النزال
* ملاحظه مهمه : المفروض منك تحفظ المسميات قبل يبدا بالشرح لانه ماشاء الله عليه مايقولك
عنهم ينطلق بالشرح والمطلوب انك تراكض وراه ..
وشغله ثانيه ابيك تعرفها انو المطلوب حل طريقه من اثنين يا بجدول الميزانيه وايجاد المنفعه
الكليه أو ايجاد المنفعه الحديه
المنفعه الكليه نظريتها انو تضرب الكميه في سعر السلعه وتكون الميزانيه مثلا = 30 مثلا نقول
السلعه الاولى اللي هي الطعام والثانيه هي الملابس السلعه الاولى تكون نظريتها كذا
p-1 * x-1 = مثلا الكميه x-1 هي 6 والسعر p-1 هو 3 نقول 6*3 = 18
والسلعه الثانيه تكون نظريتها كذا p-2 * x-2 = مثلا الكميه x-2 هي 2 والسعر p-2 هو 6 نقول
6*2 = 12 النتيجه تكون جمع لان المنفعه الكليه تكون كأداه موجبه واللي مثله بالمنحنى
18 +12 = 30 اللي هي الميزانيه وبكذا يكون ميزانية المستهلك متوازنه
......................
طريقة الحل بالمنفعه الحديه
ماني شارحتها مو لاني مو فاهمتها بس ابيك تتحمس وتحاول تكتشف حلها وهي ابد مو صعبه
بس يبي لها شوية عصر مخ وتمشي امورك والجداول الثانيه عباره عن احتمالات اذا تغير سعر
الميزانيه كيف يرتبها او اذا تغيرت اسعار السلع كيف يرتب الميزانيه ويقارن بينهم بس
وطبعا علشان يوضح لك كل شي ياريت تزبط الجداول اللي بالملخص قلمين خطاط الالوان الفاقعه
مدري وش يسمونه المهم ترتبهم وتميز كل واحد فيهم بيساعدك وبيسهل عليك
................
احس باقي شي ابي اقوله بس مااعاد فيني طاقه للتفكير  
يارب اكون قدرت افهمك ولو اشياء بسيطه 
اي صح اذا غلطت بشي بلييز لاتلومني لاني شبه سكرانه
|