رصدنا الوقفات يوم الشدايد
شجعاننا خلقه ون وقفنا سلا طين
شهره كرم ماهي بشهره جرايد
خذنا من مخاوي الرياجيل اثنين
اما فشق وحزام ولى سنايد
والله وبل الله لا علي رفقه ولا دين
ان ابرك الساعات فرقه البلايد
يوم البخيل يموت عند الريالين
مخلب كرمنا ماهد صايد
يا بو فهد نعرف فروخ الشواهين
لها على الجزلات سلم وعوايد
يا بو فهد نعرف وش الزين والشين
ما كل زايد اسمه بل فعل زايد
وما كل منهو شيخ يطلع حمر عين
بعض الشيوخ يموت ماهو بفايد
امحق بشوت لا تذري ولا تعين
ماعندها الا حكي والطيب كايد
بزراننا حتى ابو سته سنين
لا جيت له رحب وقلط وعايد
ما قد تربينا على اللعب واللين
الا على نارن حطبها وقايد
قم يا ولد شب الحطب وكرم وعين
وخل الرخوم مكبرين الوسايد
يوم يشين ويوم من ربك يزيين
والكون وللى به من الناس بايد
وللي مايعرف لذة الفقر والدين
مايدري ان التعب له فوايد