|
رد: حسسبي الله عليك يامنيره العنزي
وعليكم السلام
شدني موضوعك معني تركت المنتدى وكنت ادخل وقريت موضوعك وشدني وحبيت ارد عليك 
بخصوص انها تتكلم انجليزي ليه مانعذرها يمكن كانت تدرس بالانجليزي وهذا شي عادي مو دلع ولا تصنع يمكن من شخصيتها كذا تتكلم لازم نعذرها
وبخصوص القاعات الزحمه انا حضرت عندها يمكن قالت مرا وحده عبدالله الحربي عشان الميدي مو عشان الزحمه بالقاعه
بخصوص الجدول ترا مو ذنبها بعض البنات يكون اليوم مجموعه 5 ولا 6 وفي بعضهم يدخلون وهم من مجموعه 13 !!! الكليه لازم تعتمدين على نفسك مو تبين الدكتوره تقولك متى تيجين ومتى تطلعين ومتى متى ايام الدلع ذي بالمدرسه مو بالكليه وين اروح وش اسوي كلنا مانعرف وش السالفه بس مع الوقت تعملنا ومايبيلها السالفه غير اعتماد على النفس
وبخصوص الملابس اعتذر منك بس من قالك ان الاداره مااتكلم انا قدام عيني شفت بنت يسحبونها اللى قاعدات عن الباب عشان الميدي مو بس منيره العنزي
بعدين هي صادقه بعض الميدي ماصار ميدي صار قلة حيا ضيق لو قعدت بينفجر ترفع رجلها طلع كل شي ولا بعد ياريت بمكان نقول عادي نتلبس ميدي مدرسه والارض بلاط وكذا الا تراب وميدي
اغلب البنات ماخذينها ملابس وكشخه وميدي وانا متطوره وانا مدري وشو التطور بالعقل مو بالميدي والبلوزه اللى شايفين فيها كل من ورا لو مالبستي احسن ومعها عذر منيره العنزي دام الشي ممنوع بالكليه ونازل قرار بخصوص هالشي تقدر تمنعك متى ماتبي وتراها كليه مو مدرسه و مجال عمل مو مجال عرس وهذا الشي الوقع اللى مو عايشين فيه العالم ان الكليه مجال عمل مو عرس
بخصوص التشهير بالدكتوره على غير وجه حق اسلوبها زفت و لا مو زفت وماقلنا زفت الا عشان وشو (( الملابس )) اما الباقي عذرها معها بعض البنات تقول مادري وش مجموعتي والتاخير عن الحصه مو بس استاذه منيره كلهم يقولون لك برا
بعدين لو تلاحظون ان استاذه منيره العنزي ماتدخل المحاضره بالوقت ضبط تعطيكم فرصه تقريبا 10 دقايق
اعتذر على الاطاله بس حبيت اوضح الصح والحق و اغلبنا مايدقق بتفصيل الامور بس اذا شاف شي يعصبه خلاص يقلب الدنيا ويقعدها
وترا كلامي مو بس لصاحبة الموضوع لكل البنات اللى معصبين منها على غلط
ومشكوره ياقلبي على الموضوع وطرحك واسلوبك اللى يشد بالطرح
ولا تدعين علي عشان كتبت كل ذا 
يعطيك العافيه
|