صارحيني في البدايه واكشفي عنك اللثام
لاتقولي لي احبّك وانت شكلك تكذبيـن
المحبه يابنيّه ماهـي دعـوى بالكـلام
المحبه شي ثاني ! يمكن إنك تجهليـن
اسمعيني يابنيّه وافهمي هرجـي تمـام
المحبه قلب ينبض في صدور العاشقين
المحبه شي(ن) أشبه بالغرام وبالهيـام
المحبه دم يمشي في عـروق الهايميـن
المحبه نور شمسً(ن) مايغطيها الظـلام
المحبه همس ناطق في عيون المغرمين
المحبه ماهي لحظه المحبه الـف عـام
المحبه شي ثابت ما تزحزحـه السنيـن
المحبـه تضحيـات مايقيدهـا النظـام
المحبه ماهـي لعبـه لانويتـي تلعبيـن
المحبه شي طاهر مثـل هتّـان الغمـام
المحبه نبع صافـي يابنيّـه تفهميـن ؟
طالبك لاتجرحيني ..أتركيني في سـلام
لاتقولي لي أحبك وأنت شكلك تكذبيـن