المشاركة الأصلية كتبت بواسطة تشتيتي مركز

ههههههه موضوع .. يحكي واقع ي كثر ما مرت علينا هالشغلات .. اعجبتني يلمس الشباك انا دايم اسويها .. اذاوصلنا المس الشباك عشان اقيم الجو


بالنسبه للرحلات .. انا انسانه مشيت رحلات الاف الاميال .. لدرجه صرت احس طريقه مكه الرياض ولا شي ..
وطريق الرياض القصيم .. ما يسوى نمر البقاله من قصره ..

كانت اطول رحله سياره .. حوالي 3000 مايل .. >> مدري كم كيلو بالضبط .. بس كانت من اكثر الرحلات اللي استمتعت فيها ..

مشاء الله عليكم حدود4800 كيلو (درس ع السريع 1 ميل = 1.6 كيلو) نرجع لموضوعنا


الرحله كانت في USA بديناها من تكساس وانتهت بنيويورك .. كان فيه امكانيات طياره .. بس حبينا نجرب
خطوطهم ..
صرحه لو بقارنها بطرق سفرنا شي يقهر ويضيق الصدر .. فررررررررررق عجيب ..

مايحتاج تقولي عاااارفين كمية الهم الي احنا فيه

الاشياء اللي تميزت فيها طرق سفرهم ..
1- بقالاتهم تفتح النفس كل انواع المفرحات مكينه كوفي وجنبها انواع النكهات اللي ممكن تضيفها يعني اقعد مخمخ على قهوتك وشلون تبيها تصير ..
كوفي لاوتضيف نكهات بعد اشي فانيليا اشي توفي اشي شوكولا حسرة علينا اذ حصلت شاهي ونعناع بوس يدك وش وقفا



2- دورات مياه نظيفه بس يعيبها المويه ما يعترفون باللي .. بس محلوله هالمشكله .. العبره فيها النظافه وصوابين ومناديل اهتمام كامل .. ولا فيه شخابيط تثقيفيه ولا ارقام دعاره

أهم شي النظافة لو تدفع باليورو وقتها مافيه مجال لابد من تلبية نداء الطبيعة وبعدين سالفة الترقيم فيـW.c البنات وش جوووه الخايس تتعرف ع بنت بالحمام


3- الطريق من اوله لاخره طبيعه وبحيرات و انهار وفجاه مطر وفجاه قوس فزح وفجاه براد يعني ربي معطيهم طبيعه .. وكل شي نظيف ومنظم مو اسم انه مقطعه اشهب الهب وكله مخلفات سيارات ..

نو كومنت اصبتيني في مقتل


4- كل حوالي 50 كيلووو .. مخرج فيه فندق مثل من هولييدي ماريوت فندق صاحي يعني .. مو استراحه كله صوارير وريحه مفاطيح كرمكم الله .. هذا غير المطاعم اللي متوفره , ابل بيز وتشيليز وماك وكنتاكي طب وتخير ..
مو برابيس هالهنود .. اللي ما عليها رقابه ..

المشكلة ان السعودية تعتبر مقارنة بغيرها قارة وليست مجرد دولة نفتقد الكثير من الخدمات داخل المدن ماذا نتوقع بخارجها..اذ المادة تمنع المسؤولين افرض ضرائب ع الخطوط لكن نبي خطوط سريعة صح نبي مطاعم صح نبي فنادق صح ع الاقل كل 100كيلو لكن يقووول(لقد أسمعت لو ناديت حيا ولكن لا حياة لمن تنادي)



يعني ما نلوم انفسنا على هالبروتوكولات .. ما فيه شي يشغلنا .. برا السيار فننشغل باللي جوا .. وبنداءات الطبيعه .. والفراغ يسبب جوع شرس .. والانتظار يفتح سوالف التفلسف ..


هههههه جمل متقاطعة تحكي واقع مرير

طولت عليك .. لكن بجد هالموضوع اثار قريحتي .. حبيت اضيف بعض الصور من تصويري ..



بالعكس من أجمل الاضافات
شكراً لكـ

رحلات قادمة سعيدة بأذن الله


شكرا لك .. موضوع اكثر من رايق ..