|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
هههههههه
والله اسلوبها خطير 
احنى اطول سفره كانت
الدمام > الرياض > الطايف > مكه > جده > الباحه
عددنا 5 والسياره جمس .. وانواع الخناق
طقني / دفني / دعسني / ضربني / جالس على عباتي ..جالسه على ثوبي 
و كله كوم و المكان اللي عند الشبكاك كوم .. كل واحد يحلف ع الثاني انه
يجلس عند هـ المكاان .. ما ادري وش الميزه بالضبط .. 
/
وابوي بسم الله عليه حاط رجله 160 ...
ويلف ويهاوش اللي اللي ورى .. ويلف ع اللي جنبه يبي شاي
وبنفس الوقت يبي يكلم واحد من اخواني بالبيت ما جاء
/
ودورات المياه اللي بالطريق .. حدث ولا حرج
لو يذبحوني .. ويسووني مقلقل ما ادخلها .. 
انواع القرف .. 
واذا مره عاد استعسرت الشغله (اقول لـ ابوي يدخل لـ اقرب مدينه ويحجز لنا شقه
/
واكثر شي يرفع ضغطي .. ان عند كل بقاله لازم يشترون اغراض تكفي لـ 20 شخص 
ويبدا العراك من يخلي الاغراض عند ارجوله و يوزعها
/
والا اذا نزلنا نطلق ارجولنا .. زي ما قالت وش عاد يجمعنا
/
واما ع الغطاء والتفتيش .. هذي انا  .. غطاي ما احصله الا اذا وصلنا هههههههههههههه
وحتى حركة الشباك .. احب المسه و اشوف برد او حر
/
اما امي فـ بكل سفره تردد جملتها المشهوره
(السياره مو ضيقه .. نفوسكم هي اللي ضاقت .. والا احنى زمان كنا 10 نركب في كابرس ومكفينا)
و القائمه تطول .. بس تعبت وانا اكتب
يعطيك العافيه 
|