فعلا الوفاء بين الزوجين شي جميل
انا اذكر
كنت قبل سنتين في موسم الحج فالجمرات
وكانت الزحمه وقت الزوال
حاجه عراقيه كبيره بالسن
على عربه والعربات ممنوع دخولها منطقة الرمي بالجسر
وكانت في منطقة الاخلاء الخاصه بالمصابين وكبار السن
اقتربت منها وسئلتها لماذ تبكين
قالت زوجي ذهب يرمي ولم ياتي الى الان
قلت انتظري ومافيه زحمه عند الرمي
قالت اخاف مايرجع
قلت اذكري ربك واذا خلص رمي بيجيك
رحت من عندها وبعد حوالي ساعه ونص
شفتها مكانها ماراحت
اقتربت منها واذا هي تبكي
قلت ياحاجه زوجك بيجي ان شالله
قالت هذا رقم جواله كلمه يمكن ضيع مكاني
اخذت الرقم ودقيت عليه وكان بالجهه المقابله
رحت يمه واخذته معي وحنا بالطريق
يسئلني عنها وانا اقول مافيها شي
بس تنتظرك ذبحتها بجبك
ضحك وقالي تصدق ياابني 40سنه ماسمعت منها كلمه تزعلني
او كلمه تجرحني
يابني انها الزوجه الصالحه
وصلنا لزوجته وكانت على العربه يوم شافته وتمسح دموعها وهو يبتسم
وكان الموقف مؤثر بصوره لايعيشها الا من شاهد الموقف
ودمتم سالمين