2011- 10- 26
|
#39
|
|
أكـاديـمـي ألـمـاسـي
|
رد: ؛¤ّ,¸¸,ّ¤؛°`°¤ صـوره و نـقـاش ¤°`°؛¤ّ,¸¸,ّ¤؛ - آلتفحيط ص4 -
اكيد اختي عدم وجود متنفس لهم ما يعطيهم الحق بالشي هذا وانا ما اختلف معك ... الان حنا عندنا ظاهره موجوده بكل دول العالم مو بس عندنا وهي التفحيط وسوالف السيارات والسرعه وغيرها ... طيب ليه ما نستفيد من تجارب دول ثانيه ونسوي زيهم ... اعطيك مثال ... ظهرت في اليبان قبل سنين ظاهره تدعى الدريفت وهي نوع من انواع التفحيط او القيااده بتطريقه متهوروه وخطره ... وش سوو اليابانيين ؟؟؟ راحو سوو حلبات مختصه لها وسوو سباقات منظمه حتى انه اصبح لها بطولات حول العالم الان وفي دول كثيره ... وبنفس الوقت فيه انظمه قويه عندهم في حال احد تجراء وسواها في الشوارع ,, من سجن ومصادرت سياره وغرامات ماليه ...
هنا نشوف ان كيف تفكيرهم حد من هذه الظاهره بتنظيمها وصارت بطولات دوليه فيها وجوائز تصل لمئات الالوف من الدولارات واصبح فيه شركات داعمه لها ومكافأت للسائقين ودعايات مدفوعه ودعايات رعاية البطوله ... هنا انا احب اوضح انه ظاهر زي هاذي ممكن حلها بسهوله وتغييرها من حالتها السالبيه الى شي ممكن حتى الشباب اللي يهوون الحاجات هاذي يستفيدون منها ومع التنظيم والترتيب راح تقل مخاطرها واعداد الوفيات لأنه وقتها راح تكون حتى السيارات مجهزه مو يسرقون سياره ويفحطون ومدري وشو ...
في احدى الدول اللي قضيت فيها فترة ثلاث سنين تقريباً كان هناك حلبات سباق وتفحيط ودراجات ناريه وتقدرين تروحين وتحجزين وقت تجيين فيه وتسوين اللي تبين او اذا عندك قروب شباب مثلاُ يبون يفحطون ولا غيره يجون ويحجزون الحلبه اللي طبعاً مجهزه بجميع وسائل السلامه ,,, حتى انهم ما يسمحون لك تدخلين تمارسين هوايتك الا وانتي متجهزه بشروط مثل : حزام الامان لازم تشترين نوع معين من حزام الامان زي حق سيارات السباق اللي يثبت السواق بالمقعده ولا يمكن يتحرك شبر واحد من مكانه , بعد لازم يكون لابس هلمت ( خوذه) وجاكيت مجهز يشبه جاكيت الدراجات الناريه ... واذا ماعندك الحاجات هاذي تستأجرينها من عندهم بسعر في متناول اليد ... وبعدها ادخل وطلع اللي براسك .
كل الحكي الطويل اللي كتبته خلاصته ليه حنا نصعب الامور مع ان حلها موجود وسهل ولاكن وين اللي يفكر بتحويل السلبيات الى ايجابيات بدلاً عن محاولت التخلص منها مع تأكدي ان بعض الامور لا يمكن مسحها من الوجود ولاكن يمكن تحويلها الى ايجابيات.
وبالنسبه للتفحيط انا والله ماني من هواة التفحيط ولا قد فحطة ولا اشجعه لاكن عندي هوايه ثانيه اخطر من التفحيط بعد 
تقبلي مروري واسف على الاطاله
|
|
|
|
|
|