كيف تطلع يدينك ... يارفيق الصبابه؟؟
وانت للتمر في شفتك طعم الغياب !!

قلت له ظلك الناضح ... بريق ومهابه ا
اطعن الظل واكتب من دماه الجواب

من رقا نخلة الدفتر ... وشق السحابه
تغسله باحتمالات المطر والتــــراب

كل ما خدرت ... صحو السؤال // الإجابه
سال قيظٍ تشجر من ضلوع السحاب

فوق نخلٍ جنوا طلعه ... وخانوا ترابه
وارتدوا فوق ثوب الطين / طين الثياب

صبّي الغيم ياعمرري .. لناسً غلابه
من عطشهم على الما يحلبون السراب

اظهري مثل نفحة برق .. والفجر غابه
واختفي مثل ورده في ظنون الكتاب

غصنها يعزل الما .. من سراب التشابه
والنسانيس ترسم به نوافذ وباب