ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع بنات الفيزياء لجميع المستويات

غلآكمـ · 2011- 10- 26

اقتباس:

ملخصات الأيام اللي ماكتبتها

اقتباس:

يوم الأحد :

كنت فاضية ثلاث ساعات مرات أتصفح في ملزمة الأطياف مرات أتمشى في أرجاء الكلية وأتأمل جمال الطبيعة فيها وجمال المباني المكسرة فيها وصار لي موقف محرج <<< شكلي انعديت من غلاكم

ايه شنو صار ؟

اقتباس:

كنت قاعدة على الكراسي اللي قريبة من رئيسة القسم ومرت استاذة نداء من عندي وماحسيت فيها كنت مندمجة مع الملزمة ماشاء الله علي إلا تقولي انتي بنت ال.... وقالت عايلة غير عايلتي عاد أنا تفاجأت ايش تقول بعدين عادت علي السؤال قلت لها لا أنا ال..... وقالت ذكريني باسمك قلتلها ........ قالت انتي لازم أحفظ اسمك <<< مع انها تعرفني بس شكلها نست اسمي
الله يجزيها بالخير هالأستاذة على تواضعها وأخلاقها الراقية

مين استاذة نداء ؟

شنو تدرس السمستر هذا اذا تعرفين ؟

مثل ماقلتي شكلها طيوبه و حبوبه

اقتباس:

وبعدين أخذنا محاضرة أطياف تمارين وكانت حلوة مع انها بس حلت سؤال واحد بس كان فيه فكرة وشرحتها بالتفصيل وكانت دايما تطالع فيني وتقول فاهمين ؟ <<< لأني ماأخذت الحديثة
وهاذي الثانية جزاها الله خير على اهتمامها وأخلاقها

تمارين مع دكتورة سوسن ؟؟ ولا مع معيدة ؟

اقتباس:

بعدين البنات قاموا البنات يتهاوشون على اختبار الأطياف النظري هي الدكتورة قالت تبيه الأسبوع الجاي يوم الأحد بس قالت حق اللي شافتهم برا

الهوشات شي لابد منه . .

بعد الاجازه او يمكن ارسل لـ ( البنت اللي تتواصل مع دكتورة ايمان ) تقول لها الاختبار تخليه الاربعاء

تخيلي على كل الزحمة و يحدد دكتور النظام الاقتصادي . . الاختبار الاسبوع الثاني يوم الثلاثاء
و بعدها تقول البنت الاختبار الثاني ثاني اسبوع بعد الاجازه يعني يوم الثلاثاء . .
مادتين بنفس اليوم !!!

اقتباس:

وقالوا لنا ناس قالوا يبونه الأربعاء وناس قالوا خلوه مكانه وناس قالوا بعد العيد واختلفوا حتى في اليوم اللي بعد العيد ولايندرا على ايش يستقرون

الله يعينكم لازم تصير هالحركات . .

يارب في النهاية يناسبكم اليوم اللي تحدده الدكتوره

اقتباس:

يوم الإثنين :

أخذنا محاضرة رياضيات 3 ساعتين وكانت ممتعة ماشاء الله عليها الدكتورة حلوة فكرتها في المجموعات كانها تسوي مسابقة بينهم على حل الأسئلة وفي البداية ماأحد جا من مجموعتي بعدين الحمد لله جو متأخر ونفس الشي قالت فيه اختبار ومتهاوشين عليه لين الحين مااستقرينا على يوم
بعدين فاضية ساعة قعد اشرح لصديقتي أشياء مو فاهمتها في الرياضيات وبعدين رحت الآداب عشان الدورة وكانت حلوة بس ماحضرتها كلها لأن وقتها تمدد لين 2 ومااقدر أتأخر

حسسسسافة ماقدرتي تكملينها . . كانت تجنن و من صارت الساعة 1 و ربع . .
الدكتور جلس يسمع البنات و مشاكلهم

بس للاسف ماتنوعت المشاكل ، ، كانت 3 او 4 بنات تكلمو و ماكان فيه فرق بينهم و بين بعض اللهم الاسلوب يختلف و لا اساس المشكله واحد

اقتباس:

يوم الثلاثاء :
المفروض ان عندي محاضرة حديثة ساعتين بس انلغت ومادريت عنها وداومت عالفاضي ولقيت وحدة بس في المدرج وقلنا أكيد المحاضرة الساعة وصارت الساعة تسعة وعدت وماأحد جا
وخفنا يكون المدرج متغير وكان في نسبة خوف ان المحاضرة ملغية وقعدنا ندور على الدكتورة وتطلع مو جاية بعدين لقيت بنت في مدرج النظرية وقالت لي ان البنت اللي تتواصل مع الدكتورة أرسلت لها على الإيميل ان المحاضرة ملغية ومن باب التمس لأخيك سبعين عذرا أقول يمكنها نست ايملي لأني عطيتها اياه متأخر وكتبته لحاله أو أرسلت لي وماوصلني أو ....

فقلت لصديقتي أي شي يوصلك عن الحديثة قولي لي عليه أخاف مايوصلني

تصدقين كنت ناوية اكتب هنا عن ان الحديثة ملغية . . بس انشغلت بمذاكرة الالكترونيات الله لايشغلنا الا بطاعته

اقتباس:

بعدين اعتذرت منها على الموقف اللي صار معاها وانها فاضية طول الوقت وتبي تقعد مع البنات وقالت لا عادي أصلن كان مبين انك مانتبهتي

الله يجزاها خير استاذة امل

اول مرة تدرسني السمستر هذا . . و جدا حبيتها

الله يسعدها . .

اقتباس:

ماشاء الله تبارك الرحمن على الأستاذة الله يحفظها ويكثر من أمثالها ويارب انها تدرسنا معمل هالترم

امييين و يكثر من امثالك يارب