ملتقى طلاب وطالبات جامعة الملك فيصل,جامعة الدمام - عرض مشاركة واحدة - السنة التحضيرية تجمـــــــع لـ طـآلبــــآت علمــــــيّ *

dreams- · 2011- 10- 26

اقتباس:

المشاركة الأصلية كتبت بواسطة روح خجوله

السلام عليكم
بنات أناغايبه الأسبوع إلي طاف من الإثنين وبأغيب هالأسبوع بعد لظروف صحيه الله يحفظناوإياكم فياليت وحده تقدر تقولي وش صار ووش ماصار ع المحاضرات لأني ماأعرف رقم ولاوحده بشعبتي ولله يجازيها الجنه إلي ترد علي وتساعدني وأنابمجموعة3أ
ومشكورين

سلامتك يا بعدي سلامتك

أنا أحلام عرفتيني

!؟

أمس كتبت لك رد فيه كل شي , بس فصل النت وطار

بعلمك وين وصلنا و وش الزبدة بكل شي , <3

الكيمياء :

دخلنا بالفصل الرابع اليوم بس ما خلصناه ,
وفيه واجب بالموقع , تحلينه وترسلينه ع ايميل عطتنا أياه ,
أتوقع مو مسموح أحط إيميلات هنا
إذا مسموح بحطه لك

آخر موعد يوم الأربعاء , عليه درجتين إذا ما خاب ظني

+

فيه ورشة عمل تشتغلينها مع قروبك - تقسيم قروبات " الكيميا النظري مو الي بالمعمل " -
التسليم بيكون بعد الحج ,
ياااارب تصييرين كووويسة الإسبوع الجاي وتقدرين تداومين عشان قروبك يفهمونك الموضوع

الفيزياء :

دخلنا ع شابتر 4

ومافيه واجب

الإحصاء : وصلنا مقاييس النزعة المركزية إذا ما خاب ظني
كأنها قالت فيه إختبار !

ما أذكر صراحة , بسألك البنات وبشوف

علم النفس : خلصنا الفصل الثالث

مبادئ التربية : حنا بـ " التربية عبر العصور "

طلبت مننا مقال تأملي
طبعاً جماعي .. من 5 صفحات

إذا داومتي على خير إن شاء الله الأسبوع الجاي يعلمونك قروبك سالفته

الثقافة الإسلامية : الفصل الخامس
وإذا للحين ما سمعتي قرآن لازم تحفظين الجزء كامل خلاص مافيه تجزيء بالتسميع ,

وبس ,

ترا كل الأشياء الي أخذناها سهله و بسيطة حتى الكيميا , إن شاء الله بيمديك تفهمينهم لحالك ,

بس يمكن العملي ( كيميا , وفيزيا ) هو الي مشكلة
لازم تسوين التجربه ما ينفع أحد يقولك إياها ..

إذا جيتي كلمي المس وفهميها السالفه وبإذن الله بيتساعدون معك

ربي يقومك بالسلامة ويعافيك وما تشوفين شر يا رب , لو عندك أي استفسار لا تستحين