شوفوا ياحلوين أول شي عندكم أربع قواعد لازم تحفظونها عشان تفهمون من فين تجي الأرقام
1_ قانون النبض الأعلى لشخص وهذا سهل (220_ العمر)
يعني أي واحدة فيكم تبي تعرف نبضها الأعلى تطرح عمرها من 220 مهما كان العمر
2_ قانون النبض وقت الراحة ( وهذا نفس طريقة التجربة يعني بعد ما تسوون التجربة تتوقفون خمس ثواني راحة وتبدون تعدون النبض على الشريان السباتي لمدة 15 ثانية
مثلاً طلع النبض 40 في 15 ثانية
الدقيقة فيها 60 ثانية يعني 15 ثانية أربع مرات
علشان نعرف النبض في الدقيقة الكاملة نضرب الناتج الي طلع لنا في ال15 ثانية في 4
وبهذي الطريقة كأنا حسبنا النبض مدة دقيقة كاملة )
هذا إسمه النبض وقت الراحة
القاعدة الثالثة وهي الأصعب
قاعدة النبض المطلوب أثناء التمرين يعني كم لازم تكون شدة التمرين ( الشدة )
(الحد الأعلى للنبض الي "هو 220 _العمر" _النبض أنثناء الراحة الي هو"عدد النبضات مضروبة في 15ثانية")
×(0,70 الي هي 70%وهي الشدة المناسبة للمبتدئين في النشاط الرياضي"+ النبض وقت الراحة مرة ثانية )
قانون الحد الأعلى الإحتياطي =الحد الأعلى للنبض _النبض أثناء الراحة
ركزوا معي فالمسألة
المعطيات العمر 20 سنة _ والنبض أثناء الراحة 80 نبضة
المطلوب الشدة الي هي النبض المطلوب أثناء التمرين
تجيبون قاعدتها الي تكون محفوظة طبعاًوتحطون المعطيات تحت مسمياتها
المعادلة
الحد الأعلى للنبض _ النبض أثناء الراحة × 0,70 + النبض أثناء الراحة
أنا عندي النبض أثناء الراحة موجود فالسؤال
و0,70 أساسية في المعادلة
باقي لي الحد ألعلى للنبض لازم أجيبه أولاً عشان أطبق المعادلة
الحد الأعلى للنبض + 220 _ العمر
الحد الأعلى للنبض =220- 20
الحد الأعلى للنبض = 200
الحين نجي لمعادلتنا
(الحد الأعلى للنبض _ النبض وقت الراحة × 0,70 + النبض وقت الراحة )
200 _ 80 × 0,70 + 80
120 × 0,70 + 80
بالآلة الحاسبة أضربوا 120 × 0,70 =84
بعدين نضيف 80 الي هي النبض وقت الراحة
84 + 80 = 164 نبضة للدقيقة
يعني إن هذا الشاب الي عمره عشرين سنة لازم يمارس تمرين يرفع نبض قلبه ل 164 نبضة فالدقيقة عشان قلبه يستفيد من التمرين