2011- 10- 28
|
#38
|
|
متميزة بقسم التعليم عن بعد - اللغة الانجليزية
|
رد: الرجل والانثى اختلافات دينيه
اولا انتي منفعله رووووووووووووووووووووقي مافيه شي يسوى 
ثانيا لا يوجد في الامر اي تناقض .. ( اتكلم عما حصل معي .. وكل كلامي هنا عن خبره و يخلو تماما من اي مثاليه واللي متابعني يعرررررف قد ايش انا ما اجامل )
لكن فعلا ... دخلت مستشفيات ... وبنوك ... ومطاعم ... و محلات .. داخل البلد وخارجه ... دائما شغل الحرمه ناقص وفيه خطأ الا من رحم ربي ... وفيه كمان في شغل الرجال لكن ابدااااااااااااااااااااااااااااااااااااااااااااااا ا لا يوجد مقارنه بين الاثنين.. وكثيرييييييييييييييييييين ممن اعرفهم يتفق معي
رحت لدكتورة اسنان .. وبعد مده هي اختفت .. رحت لرجل .. اشتكي من عله جديده غير اللي عالجتها المرأه .. اول ما فتحت فمي له قال ( سبق وعالجتك امرأه واردنيه ويؤسفني اقول لك شغلها غلط !!!
انا قلت هذا مخاوي ! وش عرفك يادكتور ؟ قال الحشوات واضح انها شغل امرأه دارسه في الاردن لأني اعرف هذا الخطأ مايطيح الا هم فيه ... رجعت تشجعت وفكيت شغلها وصلحت عنده من اوووول وجديد وللآن اذكره بالخير !!!
في ولادتي كانت المسؤوله عني امرأه طول التسع شهور وعند الولاده كان لابد من ان يساعدها رجل !!!!!!!!
عندي مشكله في التنفس .. رحت لإمرأه عشان لا اكشف وجهي لرجل قالت مافيك الا حاله نفسيه وتفكير!!!!!!! رحت لرجل قرر لي عمليه في الانف ورجعت اتنفس بشكل طبيعي بعد ما كنت انام وانا نصف جالسه من الخنقه !!!!
اوراقي الثبوتيه .. جربت يمشيها لي نساء كرهت حياتي .. عند الرجل اخذ الموضوع مسألة (جرة قلم ) !!!!
في محلات البيع حارج البلد .. كذا مره يحصل خطأ في الحساب ويتهاوش معهم زوجي ولا يصلح الموضوع الا رجل !!!!! ناهيك عن السواقه كل ما شارفنا على حادث نكتشف السائق امرأه .! بحياتنا ما اخطأ علينا سائق رجل خارج السعوديه !!
ولدي دخلنا مره معاه حالة اسعاف ... الممرضه فقط تبرعت بمناداة الطبيب المناوب في حين ان الممرضييييييين هم من بادروا بدراسة الوضع و تحركوا في الاسعاف ..
استأجرنا شقه .. لا تتسع الا لشخص واحد من ضيقها .. ولا يقدر يستقبل فيها احد ومع انها جديده الا ان ابوابها كانت خشنه وسببت لنا جروح وفيها اخطاء كثيره في التشطيب لأنه رخيص ... لما سألنا عن صاحب العماره طلعت امرأه ... !! فضلت الربح على الانسانيه ... مع العلم انها ارسلت تهديد شديد اللهجه للي يحاول يقلل من الايجار (اذا مو عاجبك اطططططلع )!! الان عمارتها 3 ادوار واحد منها خالي تماما كنا نحن احد ساكنيه من اصل اربعه !!! وكلهم طلعوا بعدنا !!
ماتحملنا الوضع وسكنا بعدها في شقه فعلا صالحه لللبشر الطبيعيين .. والرجل صاحبها هو القائم عليها ..وللآن نذكره اييييضا بالخير
دخلت بنك والموظفه طلعت لي بطاقه جيت اجربها بلعها الصراف رجعت لها قامت تشرح لي وكأني طفله عمرها ثلاث سنوات ( تخيلي الاسلوب كيف رخيص ) قدام زميلاتها .. على اساس اني ما اعرف استخدم البطاقه !! ووهم يتضاحكون ...نزلت عند زوجي عطاها موظف رجل قال البطاقه معطوبه واستغرب من الموظفه انها ماعرفت !!! مع العلم نفس الموظفه عشان تخلص لي شغلة تأسيس الحساب عملت اتصالين او ثلاثه على موظف اخر .. شسوي في كذا شسوي مع كذا !!!!
ومواقف كثييييييييييييييره خلتني اتأكد اني فعلا لا اتعامل الا مع رجل ... جميع علاجاتي حقت العيون والانف والحنجره واي شي لا اذهب الا لرجل .. لا اضمن النساء اطلاقا .. وحتى محلات الملابس الداخليه حطوا فيها نساء لمده .. الان ررجعوا فيها رجال !!!
اعتذر عن الاطاله .. لكن خذي هذا الموقف البسيط كخاتمه .. كنا بمعهد والبنت قامت تصيح ليش ما نسوق ليش ما نمسك ادارة الشركات احنا موظفات نكرف اكثر من الرجال .. قلت لها اذا بتروحين لطبيب اسنان من تفضلين رجل والا امرأه ؟ قالت رجل وهي مستغربه وش دخل السؤال بطموحها في انها تكون مديرة شركه في ارامكو؟
قلت لها ليش رجل ؟ قالت لأن احس هو يفهم في هالشغلات الحساسه ؟ قلت لها تمام عليك عشان كذا مايمسك ادارة الشركات الا رجال !!! هي سكتت وقامت تتبسم بخجل لأن الكل تفاعل معها وتحممممس !
اخيرا .. الدين حفظ لنا قيمتنا كرجال ونساء .. عصرنا الحالي اللي سبب لنا لخبطه .. الله يعز الاسلام ونرجع له مثل ماهو بدون خرابيط العادات والتقاليد واحنا نرتاح
|
|
التعديل الأخير تم بواسطة ~Mrs.ENGLI$H~ ; 2011- 10- 28 الساعة 03:39 AM
|
|
|
|