تراقبك الوجيه / وينفتح جرحك / غنا / وعظام
نخرك الصبر / ويدينك لها من هالسفر/ تلويح


على مهلك هَلَكت وطاحت كتوفك عليك احلام
تشيل من الهُدى حلم الضرير ورغبة التصحيح


طردت الأرض من تحتك صرخت لهالعزوم قيام
سردت لأسمر ظروفك بياض اللي وراك يطيح


قوافل / من بكا / تسبق نشيجك / وانت لك قدام
حمول غياب / تتهدل من جراب الندم / وتسيح


وحيد / وتسكن ضلوعك منافي / وأمنيات أنسام
خنقت الضي / بعيونك / قبل لاتشتعل / تسبيح

كذا الجيّاع / لاماتوا / كفنهم / فالأخير / خيام
يُقام / فغفلة العابر/ عزاهم / والرواق / الريح