ملتقى طلاب وطالبات جامعة الملك فيصل,جامعة الدمام - عرض مشاركة واحدة

أم مجودي · 2011- 10- 28

اقتباس:

المشاركة الأصلية كتبت بواسطة dam3ahshoog

يعطيييييك العافيه اخوي الروقي ..
اخواتي حبيباتي لا تصعبون الماده ع نفسكم ترى العقل الباطني من كثر ماتقوولين صعبه خلااص بتمسك معك صعبه
الرياضيات دي لزيزه أوي انتي بس افمهي القاعده وكثري من حل المسااائل وصدقيني خلاص بتفهمينها ع الطاير
وبالنسبه للقسمه المطوله أنا فاهمتها بس أخاف اشرح لكم تهربون مع الباب

لكن نجرب واحط لكم هالمثال :

2س2 - 9س ص - 5ص2 نقسمها على س-5

نأخذ اول طرف اللي هو 2س2 ونقسمه على المطلوب س -5 ص لكن ناخذ نفس الشئ الطرف الاول ونقسمه عليه اللي هو س
نتذكر في القسمـــه اييييييه نطرح الاسس ايوا شاطريين << لعبت الدور صح
بيطلع عندنا 2س لان قسمنا 2على 1 بيطلع 2 و س2 على س طرحنا االاسس صار س

اللحين ناخذ الناتج اللي طلع لنا 2س ونضربه في س- 5 ص
= 2س2 - 10 س ص

اللحين نعمل اييه نجمع عادي

2س2 -9س ص - 5 ص2

-2 س2 +10س ص

لكن لاحظوا نغير اشارات الناتج اللي طلع لنا بعد الضرب اذا + يصبح - والعكس
نجمع عادي يطلع الناتج
1س ص -5 ص2

نرجع اللحين نطبق اقيين نفس الخطوات اللي قلتها
اولا اخذ اول طرف (والواحد مو لازم يكتب لان معروف قيمة اي عدد 1 )
س ص واقسمها على اول طرف س يطلع النتاتج = ص
لان س تقسيم س طرحنا الاسس 1-1 = صفر واي قيمه اس صفر = صفر
نعمل اييه دلوقتي ناخذ الـ ص ونضربها في س - 5ص
فيطلع لنا الناتج = س ص - 5ص2

اللحين نرجع نجمعها
1س ص -5 ص2
- س ص + 5ص 2
لا ننسى نغير الاشارات
= صفر صفر لان اذا تساوى المقدار واختلفت الاشارات فالناتج = 0

يعني قيمة المقدار المطلوب = 2س + ص من وين جت ؟ هي اللي طلعت لنا ع الزاويه بعد القسمه يعني هيك المسأله بدون الشرح

2س2 - 9 س ص - 5ص2 \\ س _ 5ص
______________ \\ ــــــــــــــــــــــــــــــــــــــــــــــــــ
- 2س2 + 10 س ص \\ 2س + ص
______________
س ص - 5 ص 2
- س ص + 5 ص2
___________
0 0
حطيت اللون الاخضر عشان انبه انا نغير الاشاره

اتمنى اني مالخبطت حد
هذا هو القسمه المطوله على حسب فهمي ..
واذا في شئ غلط او شرح اوضح ياليت حد ينورنا ..

بجد الحمدلله فهمت الله يوفقك
عيني عليك بارده لانو مافهمنا كذا الدكتور

قلت كيف جمع وكيف ضرب ومدري ايه مايفصل المساله
شكلي اذا عندي مساله بالرياضيات بقولك

تعلميني وفهميني فيها