بقولكم عن هووشه تهاوشتهاا هوووشه بمعنى هوووشه

يعني كانت مالها حل ذيك الهوشه

متهااوشه يعني متهااوشه لو تكون أمي ضمن المتفرجين

طبعا الهوشه مالها سبب أتوقع مدري وش السبب أو مضمون الهوشه

طبعا كنت بخامس ابتادئي او سادس

الطرف الثاني بالهوشه وحده مصربه الله يذكرها بالخير

كانت جثثثثثثثثثثه جثثثثثثثثثثه راسها لحاله يعتبر كائن حي غير جسمها

الهوشه انحصرت على كفووف بالوجه

كل الهوووشه كفوف هي تعطيني كف انا أعطيها كفين على السريع

يعني كان كف على شبه بقس

والله وجهي صار ينبض حسيت عروق قلبي صارت شرايين

ملامح وجهي تبعثرت صرت ألملم شتات وجهي أدور ملامحي بين الكراسي والطاولات

بس انا ماقصرت فيها خليت خدودها تتراقص أمامي

وجهها صار زي طمطووم ذاك عرفتوه قسم بالله صارت زيه والله

اللحين لما كبرت أتذكر شكل فيسها قسم بالله أجرمت فيها

وجهها صار دواائر حمراء بعدين أتذكر كنت اطقها وانا محتره منها جعلها العافيه متحمسه

إلا الوجه تطقيني فيه تعقبين

أتذكر بعد ماخلصت الهوشه راحت تبكي تبكي

انا قلت والله ياويلها لو راحت تعلم الإداره تشتكي بذبحها بخلص عليها

حسيت اني بدخل الأحداث خلاص ببيعهااا وأصير راعية سوابق ومن القائمه السوداء

بس أشوى ماراحت تعلم بس اتذكر شكلها يوم هي تبكي
وانا عااادي فري الوضع عندي ماكأني طالعه من ملحمه خططيرررره

المشكله من بكره جات تصف جنبي بالطاابور

والله ووجها مغسول بمرق امس متهاوشين واليوم تبي تعقد صداقات

وأنا اناظرها خخخير وش تبين

تحسبني خبله شغل من تحت الطاوله مايمشي عندي

بس ياحليلهاا نظراتها لي لحد اللحين مانسيتها كذا خايفه من ردة فعلي

تصدقوون كسرت خاطري يّ عمممري عليها

والله بريئه امس متهاوشه معي ومن بكره تبي تصف جنبي

ياحليلهاا بس تستاهل ليه تطقني بوجهي

>> تحسسفت رجع لها اللؤم و نزعة الشر